26 Le kéen máanak 62 semanaʼobeʼ yaan u kíimsaʼal le Mesíasoʼ,+ yéetel mix baʼal kun pʼáataltiʼ.+

U ejército juntúul máak yaan autoridad tiʼeʼ yaan u taaleʼ yéetel yaan u xuʼulsik tiʼ le kaajoʼ bey xan tiʼ le lugar santooʼ.+ Yaan u xuʼulsaʼaltiʼ tumen junpʼéel búulkabal. Yaan u yantal guerraʼob tak tu xuul, Dioseʼ u chʼaʼtukultmaj ka yanak xuʼulsajil.+

37 Jerusalén, Jerusalén, techeʼ ka kíimsik le profetaʼoboʼ yéetel ka muruxtuntik le máaxoʼob ku túuxtaʼaloʼob ta wiknaloʼ...,+ ¡teneʼ yaʼab u téenel tin wóotaj in muchʼkíint a paalal jeʼex u muchʼkíintik u mejnil le x-nuk kaax yáanal u xiikʼoʼoboʼ! Chéen baʼaleʼ teʼexeʼ maʼ ta wóoteʼexiʼ.+ 38 Le oʼolal yaan u xúumpʼattaʼal a wotocheʼex.*+

15 Le oʼolaleʼ kéen a wileʼex tiʼ waʼalakbal tiʼ junpʼéel lugar santo le x-laʼ baʼal ku xuʼulsaj tu yaʼalaj profeta Danieloʼ+ (le máax xokik le profecíaoʼ meyajnak u tuukul utiaʼal u naʼatik), 16 le máaxoʼob yanoʼob Judeaoʼ púutsʼkoʼob utiaʼal ka xiʼikoʼob teʼ montañaʼoboʼ.+