10 Pilato túuneʼ tu yaʼalajtiʼ: «¿Maʼ ta núukik in tʼaan? ¿Maʼ wa a wojel yaanten autoridad utiaʼal in jáalkʼabtikech bey xan utiaʼal in beetik a chʼuykíintaʼal tiʼ cheʼiʼ?». 11 Jesúseʼ tu yaʼalajtiʼ: «Wa maʼ u tsʼaʼabaltech autoridad tumen Dioseʼ bejlaʼa maʼ tu páajtal kaʼach a beetik mix baʼal tin contraeʼ. Le oʼolaleʼ le máax kʼuben ta kʼaboʼ maas nojoch u kʼeban».

27 U jaajileʼ bey úuchikoʼ. Herodes yéetel Poncio Pilato,+ junmúuchʼ yéetel j-táanxel luʼumiloʼob bey xan yéetel u kajnáaliloʼob Israeleʼ tu muchʼubaʼob teʼ kaajaʼ utiaʼal u tsʼáaikubaʼob tu contra le máax meyajtikechoʼ, tu contra Jesús, le máax santo a yéeymoʼ.+ 28 Letiʼobeʼ tu muchʼubaʼob utiaʼal u beetkoʼob le baʼax a waʼalmiliʼ yaan u yúuchloʼ. Techeʼ yéetel a páajtalileʼ ta beetaj u yúuchul tuláakal le baʼaloʼobaʼ tumen bey ta wóotilakoʼ.+

20 U jaajileʼ letiʼeʼ yéeyaʼab desde tu káajbal yóokʼol kaab,*+ chéen baʼaleʼ chíikbesaʼab utiaʼal a wutsileʼex tu xuul le kʼiinoʼoboʼ.+