Salmos
Le kʼaayaʼ David tsʼíibte.
א [Alef]
25 Jéeoba Dios, tiʼ teech kin kʼáatik áantaj.
ב [Bet]
Maʼ a chaʼik u kiʼimaktal u yóol in enemigoʼob yoʼolal baʼax ku yúuchulten.+
ג [Guimel]
3 Mix bikʼin u pʼáatal ich suʼtsilil le máax ku kʼubik u yóol tiʼ techoʼ,+
pero le máaxoʼob ku traicionarkoʼob máak kex minaʼan baʼax oʼolaloʼ, yaan u suʼlaktaloʼob.+
ד [Dalet]
ה [Je]
5 Beet in xíimbal teʼ maʼalob bejoʼ, kaʼanseniʼ+
tumen teech in Dios, teech salvarken.
ו [Waw]
Bul kʼiin táan in páaʼtikech.
ז [Zayin]
6 Jéeoba Dios, maʼ u tuʼubultech de ke techeʼ ka chʼaʼik óotsilil,+
yéetel mantatsʼ ka weʼesik nojoch yaabilaj.+
ח [Jet]
7 Maʼ a kʼaʼajsik le kʼebanoʼob yéetel le baʼaxoʼob maʼ maʼalob tin beetaj tin táankelmiloʼ.
ט [Tet]
8 Jéeobaeʼ uts yéetel toj baʼax ku beetik.+
Le oʼolal ku yaʼalik tiʼ le máaxoʼob ku kʼebantaloʼob baʼax bejil unaj u biskoʼoboʼ.+
י [Yod]
9 Letiʼeʼ yaan u nuʼuktik le utsul máakoʼob utiaʼal u beetkoʼob baʼax maʼaloboʼ,+
yaan u yeʼesiktiʼob le bej unaj u biskoʼoboʼ.+
כ [Kaf]
10 Tuláakal u beeloʼob Jéeobaeʼ chuup yéetel nojoch yaabilaj bey xan yéetel chúukaʼan óolal,
lelaʼ ku yeʼesik tiʼ le máaxoʼob tsʼoʼokbesik u pacto+ bey xan le baʼaxoʼob ku kʼaʼajsiktiʼoboʼ.+
ל [Lamed]
11 Jéeoba Dios, beet u alabartaʼal a kʼaabaʼ,+
perdonart le baʼax maʼ maʼalob in beetmoʼ, kex jach kʼaas.
מ [Mem]
12 ¿Yaan wa máax respetartik Jéeoba?+
Wa yaneʼ yaan u yáantaʼal u yéey le bej unaj u biskoʼ.+
נ [Nun]
ס [Samek]
ע [Ayin]
15 In wichoʼobeʼ mantatsʼ táan u paakatoʼob tu tojil Jéeoba,+
tumen letiʼ kun pitkʼesik in wookoʼob teʼ trampa tuʼux tʼiililoʼ.*+
פ [Pe]
16 Pakteniʼ, chʼaʼten óotsilil,
tumen chéen tin juunal yanen, mix máak áantken.
צ [Tsade]
17 Yaʼab baʼax beetik u yaatal u yóol in puksiʼikʼal,+
xuʼuls tiʼ le baʼaloʼob beetik in muʼyajoʼ.
ר [Reix]
19 Ilawil bukaʼaj yaʼabil in enemigoʼob,
letiʼobeʼ jach u pʼekmenoʼob, taak u beetkoʼobten loob.
ש [Xin]
20 Kanáant in kuxtal, salvarteniʼ.+
Tiʼ teech kin kʼubik in wóol, maʼ a chaʼik in pʼáatal ich suʼtsilil.
ת [Taw]
21 Kanáanteniʼ, tumen yaanten junpʼéel toj kuxtal yéetel chúukaʼan in wóol in beet baʼax maʼalob,+
tiʼ teech in kʼubmaj in wóol.+
22 In Dios, salvart Israel tiʼ tuláakal baʼax beetik u muʼyaj.