Salmos
Le kʼaayaʼ David tsʼíibte.
א [Alef]
ב [Bet]
2 Bul kʼiin ken in alabartech.+
Mix bikʼin kun xuʼulul in alabartik a kʼaabaʼ.+
ג [Guimel]
3 Minaʼan uláakʼ máax jeʼex Jéeobaeʼ, le oʼolal jach ku merecertik u alabartaʼal.+
Maʼ tu páajtal u yojéeltaʼal jach bukaʼaj u poder.+
ד [Dalet]
4 In Dios, jeʼel jaypʼéel generación ka máankeʼ yaan u alabartaʼal le baʼaxoʼob ka beetkoʼ,
yaan u yúuchul tʼaan tiʼ le nukuch baʼaloʼob ka beetkoʼ.+
ה [Je]
5 Letiʼobeʼ yaan u tʼaanoʼob tiʼ a kiʼichkelem páajtalil.+
Teneʼ yaan in tuukul tiʼ le nukuch baʼaloʼob ka beetkoʼ.
ו [Waw]
6 Yaan u yúuchul tʼaan tiʼ le nukuch baʼaloʼob ka beetkoʼ,
yaan in waʼalik minaʼan uláakʼ máax jeʼex techeʼ.
ז [Zayin]
7 Le máakoʼoboʼ le kéen u kʼaʼajsoʼob bix a weʼesik a wutsileʼ maʼ kun xuʼulul u tʼaanoʼob tu yoʼolal,+
yéetel kiʼimak óolal kun tsikbaltbil bix a beetik justicia.+
ח [Jet]
8 Jéeobaeʼ jach ku yeʼesik u yutsil, ku chʼaʼik óotsilil,+
maʼatech u séeb pʼuʼujul yéetel jach ku yeʼesik yaabilaj.+
ט [Tet]
9 Jéeobaeʼ jach uts yéetel tuláakal máak,+
tiʼ tuláakal baʼax ku beetkeʼ ku yeʼesik ku chʼaʼik óotsilil.
י [Yod]
10 Jéeoba Dios, yaan a alabartaʼal tumen tuláakal baʼax a beetmaj,+
yaan a alabartaʼal tumen le máaxoʼob chúukaʼan u yóoloʼob u meyajtechoʼ.+
כ [Kaf]
11 Yaan u yaʼalikoʼob minaʼan uláakʼ gobernación jeʼex a tiaʼaloʼ,+
yaan u tʼaanoʼob tiʼ le poder yaantechoʼ.+
ל [Lamed]
12 Beyoʼ yaan u yojéeltaʼal tumen tuláakal máak le nukuch baʼaloʼob ka beetkoʼ,+
yéetel yaan u yojéeltaʼal bukaʼaj nojchil a gobernación.+
מ [Mem]
13 Mix bikʼin kun xuʼulul tiʼ a gobernación,
mantatsʼ kan gobernar kex jeʼel jaypʼéel generación ka máankeʼ.+
ס [Samek]
14 Jéeobaeʼ ku yáantik le máaxoʼob táan u lúubloʼoboʼ,+
ku tsʼáaik u muukʼ le máaxoʼob minaʼan u muukʼoʼoboʼ.+
ע [Ayin]
15 Tuláakal baʼal kuxaʼaneʼ ku paakatoʼob ta tojil, táan u páaʼtkoʼob a wáantkoʼob.
Teech túuneʼ ka tsʼáaik baʼal u jaantoʼob teʼ súutuk kʼaʼabéetoʼ.+
פ [Pe]
צ [Tsade]
17 Jéeobaeʼ mantatsʼ ku beetik baʼax toj,+
tiʼ tuláakal baʼax ku beetkeʼ ku yeʼesik chúukaʼan u yóol.+
ק [Kof]
18 Jéeobaeʼ tiaʼan naatsʼ tiʼ tuláakal le máaxoʼob chʼaʼchiʼitik u kʼaabaʼoʼ,+
le máaxoʼob yéetel u jaajil u yóoloʼob ku beetkoʼoboʼ.+
ר [Reix]
19 Ku tsʼáaik tiʼ le máaxoʼob meyajtik le baʼax ku kʼáatkoʼoboʼ,+
ku salvarkoʼob le kéen u yuʼub táan u kʼáatkoʼob áantaj.+
ש [Xin]
20 Jéeobaeʼ ku kanáantik tuláakal le máaxoʼob yaabiltmiloʼ,+
pero yaan u xuʼulsik tiʼ tuláakal le kʼasaʼan máakoʼoboʼ.+
ת [Taw]
21 Yaan in alabartik Jéeoba yéetel in chiʼ.+
Tuláakal baʼal kuxaʼaneʼ mix bikʼin ka xuʼuluk u alabarkoʼob u santo kʼaabaʼ.+