Salmos
Le kʼaay ku beetik le máaxoʼob táan u viajaroʼoboʼ.
126 Le ka tu beetaj Jéeoba u suut u kajnáaliloʼob Sión bisaʼanoʼob táanxel luʼumiloʼ+
t-tuklaj chéen táan k-wayakʼtikeʼ.*
2 Teʼ kʼiinoʼob jeʼeloʼ jajaʼcheʼejnajoʼon
yéetel awatnajoʼon yéetel kiʼimak óolal.+
Teʼ kʼiinoʼob jeʼeloʼ le kaajoʼoboʼ tu yaʼaloʼob t-oʼolal:
«Jéeobaeʼ tsʼoʼok u beetik nukuch baʼaloʼob tu yoʼolaloʼob».+
3 Jéeobaeʼ tsʼoʼok u beetik nukuch baʼaloʼob t-oʼolal,+
le beetik jach kiʼimak k-óol.
4 Jéeoba Dios, beet u kaʼa suut le máaxoʼob bisaʼanoʼob táanxel luʼumiloʼ.
Beet u kaʼa suutoʼob jeʼex le jaʼ ku kʼáaxal ku kaʼa suut teʼ ríoʼob yanoʼob Négueboʼ.
5 Le máaxoʼob ku paakʼaloʼob kex táan u yokʼoloʼoboʼ,
le kéen joochnakoʼobeʼ hasta yaan u yawatoʼob yéetel kiʼimak óolal.