Salmos
David tsʼíibte.
27 Jéeobaeʼ in sáasil,+ letiʼ salvarken.
¿Máax jeʼel u beetik in sajaktaleʼ?+
Jéeobaeʼ bey junpʼéel lugar tuʼux ku kanáantaʼal in kuxtaleʼ.+
¿Máax jeʼel u beetik in chʼaʼik saajkileʼ?
2 Le kʼasaʼan máakoʼob pʼekmilenoʼ náatsʼoʼob tin wiknal utiaʼal u kíimskenoʼob,+
chéen baʼaleʼ tʼóochpajoʼobeʼ ka lúuboʼob.
Kex ka taalak wa máax baʼateʼel tin contraeʼ,
maʼ kun xuʼulul in confiar tiʼ Dios.
4 Junpʼéel baʼax tsʼoʼok in kʼáatik tiʼ Jéeoba,
letiʼe baʼax kin kaxtikoʼ,
ka béeyak in wantal tu yotoch Jéeoba tuláakal u kʼiiniloʼob in kuxtal,+
utiaʼal in jach ilik bukaʼaj utsil Jéeoba
yéetel utiaʼal in jach chaʼantik bukaʼaj jatsʼutsil u templo.+
5 Le kéen taalak yaayaj kʼiinoʼobeʼ letiʼeʼ yaan u taʼakiken tiʼ junpʼéel lugar seguro.+
Yaan u taʼakiken ichil u yotoch tiʼ junpʼéel tuʼux chéen letiʼ u yojel.+
Yaan u tsʼáaiken tiʼ junpʼéel lugar jach kaʼanal, yóokʼol junpʼéel nuxiʼ tuunich.+
6 Beoraaʼ maas kaʼanal yanilen ke in enemigoʼob baʼpachtmilenoʼ.
Jeʼel baʼaxak ken in kʼub tiʼ Dios teʼ tuʼux ku adorartaʼaloʼ yaan in beetik yéetel kiʼimak óolal.
Yaan in kʼaay* utiaʼal in alabartik Jéeoba.
7 Jéeoba Dios, uʼuy in oración.+
Eʼesten a wutsil, núuk in oración.+
8 In puksiʼikʼaleʼ ku tʼaan ta kʼaabaʼ, ku yaʼalik:
«Ilawil a wantal tin táan».
Jéeoba Dios, yaan in wilik bix jeʼel in wantal ta táaneʼ.+
9 Maʼ a taʼakikaba* tiʼ teen.+
Maʼ a tsʼáaiken juntséelil kéen pʼuʼujkech.
Teech áantken.+
Maʼ a pʼatken, maʼ a xúumpʼatken. In Dios, teech salvarken.
11 Jéeoba Dios, eʼesten le bej unaj in biskoʼ,+
bisen tiʼ le maʼalob bejoʼ, utiaʼal maʼ u beetikten mix baʼal le máaxoʼob pʼekmilenoʼ.
12 Maʼ a kʼubken tu kʼab le máaxoʼob pʼekmilenoʼ,+
tumen yaan máaxoʼob tsʼoʼok u prepararkubaʼob utiaʼal u yaʼalikoʼob baʼaloʼob maʼ jaajtak tin contraiʼ,+
yéetel taak u beetkoʼobten loob.
13 ¿Tuʼux kaʼach jeʼel in wantal wa maʼ in kʼubmaj in wóol
de ke yaan u yeʼesikten u yutsil Jéeoba mientras kuxaʼaneniʼ?*+
Maʼ a sajaktal yéetel maʼ u péek u yóol a puksiʼikʼal.+
Kʼub a wóol tiʼ Jéeoba.