Isaías
55 ¡Teʼex ukʼajeʼexeʼ, koʼoteneʼex,+ koʼoteneʼex way tuʼux yaan jaʼeʼ!+
¡Teʼex minaʼanteʼex taakʼineʼ, koʼoteneʼex, chʼaʼex baʼal a jaanteʼex!
Jach beyoʼ, koʼoteneʼex, kex minaʼanteʼex taakʼin yéetel kex maʼ a boʼotkeʼex mix baʼaleʼ+ chʼaʼex vino yéetel leche.+
2 ¿Baʼaxten ka xupik a taakʼineʼex tiʼ baʼaloʼob maʼ utiaʼal jaantbiliʼ?
¿Baʼaxten ka xupkeʼex a náajaleʼex* yoʼolal baʼaloʼob maʼ tu naʼajkúuntikeʼex?
Jach uʼuy a wuʼuyeʼex baʼax kin waʼalik, jaanteʼex baʼax maʼalob,+
naʼajkúuntabaʼex yéetel kiʼikiʼ janaloʼob.+
3 Chʼenxikinteneʼexiʼ, koʼoteneʼex tin wiknal.+
Uʼuyeneʼexiʼ, beyoʼ yaan u seguer a kuxtaleʼex.
Teen túuneʼ tu séebaʼanil ken in beet junpʼéel pacto+ ta wéeteleʼex, junpʼéel pacto minaʼan xuʼulultiʼ.
Lelaʼ yaan in beetik tu yoʼolal le nojoch yaabilaj tin waʼalaj tiʼ David ken in weʼestiʼoʼ.+
4 ¡Ilawileʼex! Letiʼeʼ tin tsʼáaj utiaʼal ka u beet u testigoil+ tiʼ yaʼabkach luʼumoʼob.
Tin tsʼáaj utiaʼal ka u beet u nojchil+ yéetel ka u nuʼukt+ le yaʼabkach kaajoʼoboʼ.
5 ¡Ilawile! Techeʼ yaan a tʼanik junpʼéel kaaj maʼ a kʼaj óoliʼ.
U kajnáaliloʼob junpʼéel luʼum maʼ u kʼaj óolechoʼobeʼ áalkabil kun taaloʼob ta wiknal,
tumen Jéeoba a Dios,+ le Máax Santo yaan Israeloʼ
yaan u nojbaʼalkúuntikech.+
6 Kaxteʼex Jéeoba mientras jeʼel u páajtal u kaxtaʼaleʼ.+
Tʼaneʼex mientras naatsʼ yanil.+
7 Le kʼasaʼan máakoʼ unaj u pʼatik le bej ku biskoʼ,+
le loolob wíinikoʼ unaj u pʼatik u kʼaakʼas tuukul.
Suunak tu yiknal Jéeoba, tumen letiʼeʼ yaan u chʼaʼik óotsilil tiʼ,+
suunak tu yiknal k-Dios, tumen letiʼeʼ jach tu jaajil ku perdonartik máak.+
8 Jéeobaeʼ ku yaʼalik: «Tumen le bix in tuukuloʼ maʼ bey jeʼex a tuukuleʼexeʼ,+
yéetel in beeloʼobeʼ maʼ bey jeʼex a beeleʼexeʼ.
9 Tumen jeʼex le kaʼan maas kaʼanal yanil tiʼ le luʼumaʼ,
in beeloʼob xaneʼ maas kaʼanal yaniloʼob tiʼ a beeleʼex,
yéetel bey yanil xan in tuukuloʼob tiʼ a tuukuleʼexoʼ.+
10 Le kéen kʼáaxak le jaʼ yéetel le nieve desde teʼ kaʼanoʼ
maʼ tu suutoʼob kaʼan wa maʼ yáax táanil ku bulikoʼob le luʼumoʼ, ku beetkoʼob u jóokʼol le paakʼaloʼoboʼ
yéetel ku beetkoʼob u tsʼáaik u yich utiaʼal u yantal semilla tiʼ le máax ku paakʼaloʼ bey xan utiaʼal ka yanak baʼal jaantbil,
11 bey xan u yúuchul yéetel le tʼaan ku jóokʼol tin chiʼoʼ,+
maʼ kun kaʼa suut tin wiknal sin ke u béeytal.+
Tuláakal baʼaleʼ yaan u yúuchul jach jeʼex in waʼalmiloʼ,*+
le baʼaxoʼob kin waʼalikoʼ seguro yaan u béeytaloʼob.
Le montañaʼob yéetel le puʼukoʼoboʼ yaan u yawatoʼob yéetel kiʼimak óolal ta táaneʼex,+
yéetel tuláakal le cheʼob yanoʼob teʼ kʼáaxoʼ yaan u papaxkʼaboʼob.+
13 Tu lugar kʼiʼixoʼobeʼ yaan u yantal u matailoʼob enebro,+
tu lugar le xíiwoʼob saakʼkúuntik u wíinklil máakoʼ yaan u yantal u matailoʼob mirto.