Salmos
U miktam David.
16 In Dios, kanáanteniʼ tumen tsʼoʼok in natsʼkinba ta wiknal.+
2 Tsʼoʼok in waʼalik tiʼ Jéeoba: «Tiʼ teech Jéeoba, tiʼ teech ku taal tuláakal baʼal maʼalob.
4 Le máaxoʼob ku binoʼob tu paach uláakʼ diosoʼoboʼ jach ku muʼyajoʼob.+
Mix bikʼin in láalik kʼiʼikʼ tu táan u diosoʼob bey junpʼéel ofrendaeʼ,
in chiʼeʼ mix bikʼin u yaʼalik u kʼaabaʼ u diosoʼob.+
5 Jéeoba tsʼáaikten tuláakal baʼax kʼaʼabéetten,*+ yéetel letiʼ chupik le copa+ kin wukʼikoʼ.
In Dios, teech kanáantik in herencia.
6 Lelaʼ bey junpʼéel jatsʼuts luʼum tsʼoʼok u pʼiʼisil utiaʼal tsʼaabilteneʼ.
Jach táaj kiʼimak in wóol yoʼolal in herencia.+
7 Yaan in alabartik Jéeoba tumen tsʼoʼok u tsolikten u nuʼuk.+
Tak le baʼaxoʼob kin tuklik de áakʼaboʼ ku yeʼeskoʼobten baʼax unaj in beetik.+
8 Mantatsʼ táan in tuukul tiʼ Jéeoba.+
Letiʼeʼ tiʼ waʼalakbal tin x-noʼoj kʼabeʼ, le oʼolal mix bikʼin kin péeksbil tuʼux yanen.+
9 Le oʼolal jach kiʼimak u yóol in puksiʼikʼal, jach táaj kiʼimak in wóol.
Mix baʼal sajakkúuntken.
10 Techeʼ maʼ ken a pʼaten teʼ Muknaloʼ.*+
Maʼ ken a chaʼa u pʼáatal tu* tsʼuʼ luʼum* le máax chúukaʼan u yóol u meyajtechoʼ.+
11 Ka weʼesikten u bejil le kuxtaloʼ.+
Jach ku kiʼimaktal u yóol le máax ku yantal ta táanoʼ.+
Mantatsʼ kiʼimak u yóol le máax yaan ta x-noʼoj kʼaboʼ.