Salmos
David tsʼíibte. Maskil.
32 Kiʼimak u yóol le máax ku perdonartaʼaloʼ, le máax ku perdonartaʼal le kʼeban u beetmoʼ.+
2 Kiʼimak u yóol le máax maʼ tu condenartaʼal tumen Jéeobaoʼ,+
le máax minaʼan baʼax kʼaas tu puksiʼikʼaloʼ.
3 Le maʼ in waʼal baʼax kʼaas in beetmoʼ, jach kaʼanen tumen bul kʼiin táan in wáakam.+
4 Bul kʼiin yéetel bul áakʼab tin wuʼuyaj táan a pechʼken yéetel a kʼab.+
Jeʼex u saʼapʼal le jaʼ le kéen u beet yáaxkʼiinoʼ bey pʼáatik minaʼan in muukʼoʼ. (Séla)
Tin waʼalaj: «Yaan in waʼalik tiʼ Jéeoba le baʼax maʼ maʼalob in beetmoʼ».+
Teech túuneʼ ta perdonartaj in kʼeban.+ (Séla)
6 Mientras jeʼel u béeytal u náatsʼal máak ta wiknaleʼ,+
maʼ kun xuʼulul u orar le máax u kʼubmaj u yóol tiʼ techoʼ.+
Kex yaʼab jaʼ ka taalakeʼ maʼ kun búulul le tuʼux yanoʼ.
7 Techeʼ beyech junpʼéel lugar utiaʼal in taʼakikinbaeʼ,*
yaan a kanáantken tu kʼiinil yaanten problemas.+
Yaan a beetik in baʼpachtaʼal tumen le máaxoʼob ku yawatoʼob yéetel kiʼimak óolal ikil a salvartik máakoʼ.+ (Séla)
8 Techeʼ ka waʼalik: «Yaan in beetik u yantal a naʼat yéetel yaan in weʼesiktech le bej unaj a biskoʼ.+
In wichoʼobeʼ mantatsʼ ken u paktechoʼob utiaʼal in kanáantkech yéetel in nuʼuktikech.+
9 Maʼ a beetkaba jeʼex juntúul tsíimin wa jeʼex juntúul burro minaʼan u naʼat+
kʼaʼabéet junpʼéel freno wa uláakʼ wa baʼax
utiaʼal u controlartaʼaleʼ».
10 Le kʼasaʼan máakoʼoboʼ yaʼab baʼax ku muʼyajtikoʼob,
pero le máaxoʼob ku kʼubik u yóoloʼob tiʼ Jéeobaoʼ ku baʼpachtaʼaloʼob tumen u nojoch yaabilaj.+
11 Teʼex ka beetkeʼex baʼax maʼalobeʼ, kiʼimakchajak a wóoleʼex, jach kiʼimakchajak a wóoleʼex tu yoʼolal Jéeoba.
Teʼex uts a puksiʼikʼaleʼexeʼ, awatnakeʼex tumen kiʼimak a wóoleʼex.