Job

1 Tu luʼumil Uzeʼ kuxlaj juntúul máak tu kʼaabaʼtaj Job.+ Letiʼeʼ yanchajtiʼ junpʼéel toj kuxtal yéetel chúukpaj u yóol u beet baʼax maʼalob,+ tu meyajtaj Dios yéetel tu náachkuntuba tiʼ baʼax kʼaas.+ 2 Yanchaj diez u paalal, siete xiiboʼob yéetel óoxtúul koʼoleloʼob. 3 Yaʼabchaj xan u yalakʼ baʼalcheʼob, yanchajtiʼ 7,000 tamanoʼob, 3,000 camelloʼob, 1,000 wakaxoʼob yéetel 500 x-burraʼob. Tsʼoʼoleʼ yaʼab máakoʼob ku meyajoʼob kaʼach tu yiknal. Letiʼ kaʼach u maas ayikʼalil tiʼ le máaxoʼob kajaʼanoʼob Lakʼinoʼ.*

4 Cada juntúul tiʼ u hijoʼobeʼ u jóoʼsmaj junpʼéel kʼiin utiaʼal u beetik junpʼéel nojoch janal tu yotoch. Le kéen u beeteʼ ku yaʼalik ka xiʼik le seis xiiboʼob yéetel le óoxtúul koʼoleloʼob utiaʼal u múul janal yéetel u yukʼik vino tu yéeteloʼoboʼ. 5 Le kéen láaj tocarnaktiʼobeʼ, Jobeʼ ku túuxtik aʼalbiltiʼob ka u limpiokíintubaʼob tu táan Dios. Letiʼ xaneʼ le táan u taal u sáastaloʼ ku líikʼil u kʼub tóokbil baʼalcheʼob+ tiʼ Dios yoʼolal cada juntúul tiʼ u paalal. Tumen Jobeʼ ku yaʼalik kaʼach: «Maʼ xaaneʼ in paalaleʼ kʼebanchajoʼob, yéetel maʼ xaan xaneʼ kex chéen ichil u tuukuloʼobeʼ tʼaanajoʼob kʼaas tiʼ Dios». Bey suukil kaʼach u beetik Joboʼ.+

6 Le ka kʼuch u kʼiinil u muchʼkuba le ángeloʼob* tu táan Jéeoba,*+ u jaajil Diosoʼ,+ tak Satanás+ ook ichiloʼob.+

7 Jéeoba túuneʼ tu yaʼalaj tiʼ Satanás: «¿Tuʼux a taal?». Satanáseʼ tu núukaj tiʼ Jéeoba: «Taalen in láaj xíimbalt le yóokʼol kaab utiaʼal in wilik baʼaxoʼob ku yúuchliʼ».+ 8 Jéeoba túuneʼ tu yaʼalaj tiʼ Satanás: «¿Máasaʼ tsʼoʼok a wilik bix u kuxtal Job? Minaʼan uláakʼ máak jeʼex letiʼ teʼ luʼumoʼ. Letiʼeʼ yaantiʼ junpʼéel toj kuxtal yéetel chúuka’an u yóol u beet baʼax maʼalob,+ ku meyajtiken yéetel ku náachkuntkuba tiʼ baʼax kʼaas». 9 Satanás túuneʼ tu núukaj tiʼ Jéeoba: «Jaaj, pero yaan baʼax oʼolal ku yuʼubik a tʼaan.+ 10 Si techeʼ maʼ ta chaʼik u yúuchul mix baʼal tiʼ letiʼ,+ mix tiʼ le máaxoʼob yanoʼob ichil u familiaoʼ, mix tiʼ le baʼaloʼob yaantiʼoʼ, bey a báaʼkʼalmaj tuʼux yanoʼobeʼ. Tsʼoʼok xan a bendecirtik tuláakal baʼax ku beetik,+ tak u yalakʼ baʼalcheʼobeʼ tsʼoʼok u sen yaʼabtaloʼob. 11 Chéen baʼaleʼ líiʼs a kʼab utiaʼal a luʼsik tuláakal baʼax yaantiʼ ka a wil wa maʼ tu yaʼaliktech baʼal tu táan a wich». 12 Jéeoba túuneʼ tu yaʼalaj tiʼ Satanás: «Maʼalob, tuláakal baʼax yaantiʼeʼ kin pʼatik ta kʼab, pero ¡bik xiʼikech a líiʼs a kʼab tu contra letiʼ!». Ka tu yuʼubaj Satanás leloʼ lukʼ tu táan Jéeoba.+

13 Junpʼéel kʼiin túun u muchʼmuba tuláakal u paalal Job utiaʼal u janaloʼob yéetel u yukʼikoʼob vino tu yotoch u nojoch sukuʼunoʼobeʼ+ 14 kʼuch juntúul máak tu yotoch Jobeʼ ka tu yaʼalajtiʼ: «Le táan kaʼach u péeksaʼal le luʼum tumen le wakaxoʼob yéetel le táan u janal le x-burraʼoboʼ 15 chéen ka jáan kʼuch le sabeoʼoboʼ ka tu láaj chʼaʼajoʼob a walakʼ baʼalcheʼoboʼ, tsʼoʼoleʼ ka tu kíimsoʼob yéetel espada le j-meyajoʼoboʼ. Chéen teen páajchaj in púutsʼul utiaʼal ka taalaken in waʼaltech».

16 Maʼ tsʼoʼokok u tʼaaneʼ ka kʼuch uláakʼ juntúul máakeʼ ka tu yaʼalaj tiʼ Job: «¡Lúub kʼáakʼ* desde teʼ kaʼanoʼ ka tu láaj tóokaj le tamanoʼoboʼ bey xan le máaxoʼob kanáantkoʼoboʼ! Chéen teen páajchaj in púutsʼul utiaʼal ka taalaken in waʼaltech».

17 Maʼ tsʼoʼokok u tʼaaneʼ ka kʼuch uláakʼ juntúul máakeʼ ka tu yaʼalaj tiʼ Job: «Chéen ka jáan kʼuch óoxjaats caldeoʼobeʼ+ ka tu láaj chʼaʼajoʼob a walakʼ camelloʼob, tsʼoʼoleʼ ka tu kíimsoʼob yéetel espada le j-meyajoʼoboʼ. Chéen teen páajchaj in púutsʼul utiaʼal ka taalaken in waʼaltech».

18 Maʼ tsʼoʼokok u tʼaaneʼ ka kʼuch uláakʼ juntúul máakeʼ ka tu yaʼalaj tiʼ Job: «A paalaleʼ táan kaʼach u janaloʼob yéetel u yukʼikoʼob vino tu yotoch u nojoch sukuʼunoʼobeʼ 19 chéen ka jáan taal junpʼéel kʼaʼamkach iikʼ tu tojil le desiertooʼ ka tu jatsʼuba tu cuatro esquinasil le najoʼ, ka níik tu yóokʼol a paalaloʼobeʼ ka láaj kíimoʼob. Chéen teen páajchaj in púutsʼul utiaʼal ka taalaken in waʼaltech».

20 Ka tu yuʼubaj Job leloʼ, líikʼeʼ ka tu jataj u nookʼ yéetel tu tsʼikaj u tsoʼotsel u pool, ka tsʼoʼokeʼ xolaji, tu chinubaeʼ 21 ka tu yaʼalaj:

Jéeoba tsʼáaik,+ Jéeoba xan luʼsik.

Seguernak u alabartaʼal u kʼaabaʼ Jéeoba».

22 Kex úuch tiʼ Job tuláakal le baʼaloʼobaʼ maʼ kʼebanchajiʼ, mix tʼaanaj kʼaas tiʼ Diosiʼ.