Salmos
94 Jéeoba Dios, techeʼ ka vengarkaba tiʼ le kʼasaʼan máakoʼoboʼ,+
in Dios, eʼes tiʼ le kʼasaʼan máakoʼob máaxechoʼ.
2 Teech u Juezil yóokʼol kaab, líiʼkech a beet justicia.+
Tsʼáa baʼax ku merecertik le máaxoʼob nojbaʼal u taaskubaʼoboʼ.+
3 Jéeoba Dios, ¿baʼax kʼiin u xuʼulul tiʼ le kʼasaʼan máakoʼoboʼ?
¿Baʼax kʼiin u xuʼulul u kiʼimaktal u yóol le kʼasaʼan máakoʼoboʼ?+
4 Chíikaʼan jach ku creerkubaʼob yéetel baʼax ku yaʼalikoʼob.
Tuláakal le kʼasaʼan máakoʼoboʼ jach nojbaʼal u taaskubaʼob.
5 Jéeoba Dios, ku beetkoʼob kʼaas tiʼ a kaajal,+
ku beetkoʼob u muʼyaj a kaajal.
6 Ku kíimskoʼob le viudaʼoboʼ bey xan le j-táanxel luʼumiloʼoboʼ,
ku kíimskoʼob xan le paalaloʼob minaʼan u papáʼoboʼ.
7 Ku yaʼalikoʼob: «Jéeobaeʼ* maʼ tu yilik baʼax ku yúuchul.+
U Dios Jacobeʼ maʼ u yojel baʼax ku yúuchliʼ».+
8 J-maʼ naʼateʼex, ¿baʼax kʼiin a weʼeskeʼex yaan kex junpʼíit a naʼateʼex?+
Máakeʼex minaʼan a naʼateʼex, uʼuyeʼex lelaʼ:
9 le Máax beet le xikinoʼ, ¿maʼ wa tu páajtal u yuʼubik tuláakal baʼal?
Le Máax beet le ichoʼ, ¿maʼ wa tu yilik baʼax ku yúuchul?+
10 Le Máax tojkíintik le kaajoʼoboʼ, ¿maʼ wa tu páajtal u tojkíintik máak?+
¡U jaajileʼ tuláakal baʼax u yojel máakeʼ tiʼ letiʼ u taal!+
11 Jéeobaeʼ u yojel baʼax ku tuklik máak,
u yojel chéen kunel baʼaxoʼob ku tuklik máak.+
12 Jéeoba* Dios, kiʼimak u yóol le máax ka tojkíintik u kuxtaloʼ,+
kiʼimak u yóol le máax ka kaʼansik a ley tiʼoʼ.+
13 Tumen yaan u yantal jeetsʼelil tiʼ tu kʼiinil yaayaj kʼiinoʼob,
mientras le kʼasaʼan máakoʼ táan u páanaʼal le jool tuʼux kun mukbiloʼ.+
15 Yaan u kʼuchul u kʼiinil u kaʼa beetik justicia,
yéetel yaan u apoyartaʼal tumen le máaxoʼob uts u puksiʼikʼaloʼoboʼ.
16 ¿Máax kun líikʼil tu contra le kʼasaʼan máakoʼob utiaʼal u defenderkenoʼ?
¿Máax ken u tsʼáauba tu contra le kʼasaʼan máakoʼob utiaʼal u yáantkenoʼ?
17 Wa maʼ úuchik u yáantken Jéeobaeʼ,
bejlaʼa úuch kíimkeneʼ.+
18 Ka tin waʼalaj: «Táan u jakchajal in wookoʼob»,
teʼ súutuk jeʼeloʼ, Jéeoba Dios, tumen nojoch a yaabilajeʼ ta wáanten.+
20 ¿Jeʼel wa a múul meyaj yéetel le gobernanteʼob ku beetkoʼob u yantal problemas
tumen maʼ maʼalob bix u meyajtiʼob le leyoʼ?+
21 Letiʼobeʼ jach maʼatech u xuʼulul u atacarkoʼob le máaxoʼob beetik baʼax maʼaloboʼ,+
yéetel ku condenarkoʼob utiaʼal ka kíimik juntúul máax inocente.+
22 Teneʼ yaan in kanáantaʼal tumen Jéeoba.
In Dioseʼ bey junpʼéel nuxiʼ tuunich tuʼux kin taʼakikinbaeʼ.+
23 Letiʼeʼ yaan u beetik u suut tu yóokʼol le kʼasaʼan máakoʼob le baʼax ku beetkoʼoboʼ.+
Yaan u xuʼulsik tiʼ le kʼasaʼan máakoʼob yéetel le baʼaxoʼob ken u beet u suut tu yóokʼoloʼoboʼ.
Jéeoba Dios kun xuʼulsiktiʼob.+