Salmos
Maskil. Le kʼaayaʼ Asaf+ tsʼíibte.
78 In kaajal, uʼuy baʼax kin kaʼansiktech,
chʼenxikint le tʼaanoʼob ku jóokʼol tin chiʼoʼ.
2 Yaan in waʼalik junpʼéel baʼal maʼ chéen chʼaʼabil u naʼataʼaliʼ.
Yaan in tʼaan tiʼ baʼaloʼob úuch aʼalaʼak, tiʼ baʼaloʼob maʼ tuláakal máak naʼatikiʼ.+
3 Le baʼaloʼob k-ojel tumen k-uʼuymaj u tsikbaltaʼaloʼ,
le baʼaxoʼob u tsikbaltmajtoʼon k-papáʼoboʼ,+
4 yaan k-tsikbaltik tiʼ k-paalaloʼob.
Tiʼ le generación kun antaloʼ yaan k-tsikbaltik le nukuch baʼaloʼob u beetmaj Jéeobaoʼ,+
le baʼaloʼob jach ku merecertik u tʼaan máak tu yoʼolaloʼ,+
le baʼaloʼob u beetmaj yéetel u poderoʼ.+
5 Dioseʼ tu yaʼalaj tiʼ u paalal Jacob baʼax unaj u beetkoʼob,
tu tsʼáaj u ley tiʼ u kaajil Israel.
Tu yaʼalaj tiʼ k-láakʼtsiloʼob
ka u tsikbaltoʼob tiʼ u paalaloʼob tuláakal le baʼaloʼobaʼ.+
6 Beyoʼ yaan u yojéeltaʼal tak tumen le paalaloʼob maʼ síijkoʼoboʼ.+
Letiʼob xaneʼ yaan u tsikbaltikoʼob tiʼ u paalaloʼob.+
7 Le paalaloʼob túunoʼ yaan u kʼubik u yóoloʼob tiʼ Dios.
Maʼ ken u tuʼubsoʼob le baʼaxoʼob u beetmaj Diosoʼ,+
yéetel yaan u tsʼoʼokbeskoʼob u mandamientoʼob.+
8 Maʼ ken u beetoʼob jeʼex u láakʼtsiloʼob kuxlajoʼob antes tiʼ letiʼoboʼ,
u láakʼtsiloʼob kaʼacheʼ tercoʼob, maʼatech u yuʼubikoʼob tʼaan,+
junpʼéel generación séeb u kʼexpajal kaʼach baʼax yaan tu puksiʼikʼaloʼob,+
maʼ yéetel u jaajil u yóoloʼob ku meyajtikoʼob Diosiʼ.
9 U paalaloʼob Efraíneʼ kex u chʼaʼamoʼob kaʼach u flechaʼob ka binoʼob baʼateleʼ,
tu sutaj u paachoʼobeʼ ka lukʼoʼobiʼ.
10 Maʼ tu cumplirtoʼob le pacto tu beetoʼob yéetel Diosoʼ,+
maʼ tu beetoʼob baʼax ku yaʼalik u leyiʼ.+
12 Tu tuʼubsoʼob xan le nukuch baʼaloʼob tu beetaj tu táan u yúuchben láakʼtsiloʼoboʼ,+
le baʼaxoʼob tu beetaj tu luʼumil Egiptooʼ, le tu beetaj tu kaajil Zoanoʼ.+
13 Tu bujaj le kʼáaʼnáab utiaʼal u máanoʼoboʼ.
Le jaʼ túunoʼ pʼáat bey kaʼapʼéel pakʼeʼ.+
14 De kʼiineʼ tu nuʼuktoʼob yéetel junpʼéel múuyal,
de áakʼabeʼ yéetel u sáasilil junpʼéel kʼáakʼ.+
15 Tu bujaj tuunichoʼob teʼ desierto utiaʼal u yantal le bukaʼaj jaʼ taak u yukʼikoʼoboʼ,
le jaʼ tuulnajoʼ bey u jaʼil kʼáaʼnáabeʼ.+
16 Tu beetaj u jóokʼol jaʼ tiʼ junpʼéel tuunich,
le jaʼoʼ joʼopʼ u yáalkab jeʼex u yáalkab u jaʼil junpʼéel ríoeʼ.+
17 Kex beyoʼ seguernaj u kʼebantaloʼob tu táan.
Le tiaʼanoʼob teʼ desiertooʼ, líikʼoʼob tu contra le Maas Nojoch Diosoʼ.+
18 Tu exigirtoʼob ka tsʼaʼabaktiʼob le baʼax ku tsʼíiboltik u jaantikoʼoboʼ,
tu tsʼáajoʼob a pruebail Dios ichil u puksiʼikʼaloʼob.+
19 Joʼopʼ u tʼaanoʼob tu contra Dios,
tu yaʼaloʼob: «¿Jeʼel wa u páajtal u tsʼáaik Dios baʼal k-jaant teʼ desiertoaʼ?».+
20 Dioseʼ tu bujaj junpʼéel tuunich,
ka joʼopʼ u tuul jaʼ, joʼopʼ tak u búulul le tuʼux ku wéekeloʼ.+
Kex beyoʼ tu yaʼaloʼob: «¿Jeʼel wa xan u páajtal u tsʼáaiktoʼon waaj
yéetel bakʼ utiaʼal k-jaanteʼ?».+
21 Jéeobaeʼ jach pʼuʼuj ka tu yuʼubaj baʼax ku yaʼalikoʼob.+
Tu beetaj u yéemel junpʼéel kʼáakʼ+ tu contra Jacob,
sen pʼuʼuj tu contra Israel+
22 tumen maʼ tu kʼubaj u yóoloʼob tiʼ Diosiʼ.+
Maʼ tu creertoʼob wa jeʼel u páajtal u salvartaʼaloʼobeʼ.
23 Le oʼolal letiʼeʼ tu tsʼáaj junpʼéel orden tiʼ le múuyaloʼoboʼ,
tsʼoʼoleʼ ka tu jeʼekʼabtaj u joonajiloʼob le kaʼanoʼ.
24 Tu beetaj u kʼáaxal maná* utiaʼal u jaantoʼob,
tu tsʼáajtiʼob junpʼéel janal ku taal teʼ kaʼanoʼ.+
25 Le máakoʼob túunoʼ tu jaantoʼob le waaj ku jaantik le ángeloʼoboʼ.+
Tu tsʼáaj le bukaʼaj kʼaʼabéet utiaʼal u naʼajtaloʼoboʼ.+
26 Tu péeksaj le iikʼ yaan teʼ kaʼanoʼ, le iikʼ yaan lakʼinoʼ,
yéetel u podereʼ tu beetaj u taal junpʼéel iikʼ desde noojol.+
27 Tu beetaj u kʼáaxal bakʼ tu yóokʼoloʼob jeʼex u kʼáaxal polvoeʼ,
tu beetaj u kʼáaxal yaʼabkach chʼíichʼoʼob jeʼex le arena yaan tu jáal le kʼáaʼnáaboʼ.
28 Tu beetaj u kʼáaxaloʼob teʼ tuʼux yanoʼoboʼ,
jaylajoʼob teʼ tuʼux kajaʼanoʼoboʼ.
29 Letiʼob túuneʼ tu jaantoʼob, makʼbil tu beetiloʼob.
Dioseʼ tu tsʼáajtiʼob le baʼax ku tsʼíiboltkoʼoboʼ.+
30 Pero antes tiʼ u naʼajkúuntkubaʼob yéetel le baʼax ku tsʼíiboltkoʼoboʼ,
le mix u lukʼoʼob le baʼax ku jaantikoʼoboʼ,
31 sen pʼuʼuj Dios tu contraʼob.+
Tu kíimsaj le máaxoʼob maas muʼukʼaʼanoʼoboʼ,+
tu xuʼulsaj tiʼ le israelitaʼob táankelmoʼoboʼ.
32 Kex beyoʼ joʼopʼ u maas beetkoʼob baʼax maʼ maʼalobiʼ,+
maʼ tu kʼubaj u yóoloʼob tiʼ Dios kex tu yiloʼob le nukuch baʼaloʼob tu beetoʼ.+
33 Letiʼ túuneʼ tu xuʼulsaj tiʼ u kuxtaloʼob, u kʼiinil u kuxtaloʼobeʼ pʼáat chéen bey múus iikʼeʼ,+
tu xotʼaj u kʼiinil u kuxtaloʼob yéetel le yaayaj baʼaloʼob tu beetaj u taal tu yóokʼoloʼoboʼ.
34 Ka tu yiloʼob tsʼoʼok u káajal u kíimsaʼaloʼobeʼ tu kaʼa natsʼubaʼob yiknal Dios.+
Suunajoʼob yiknal Dios, joʼopʼ u kaxtikoʼob tu kaʼatéen.
35 Kʼaʼajtiʼobeʼ Dioseʼ bey junpʼéel nuxiʼ tuunich tuʼux jeʼel u taʼakikubaʼobeʼ.+
Kʼaʼajtiʼobeʼ u Salvadoroʼobeʼ, letiʼe Maas Nojoch Diosoʼ.+
36 Chéen taak kaʼach u tuskoʼob,
maʼ jaaj baʼax ku yaʼalikoʼobiʼ.
37 U puksiʼikʼaloʼobeʼ maʼ chúukpaj u yóol u meyajt Diosiʼ.+
Maʼ tu cumplirtoʼob baʼax u yaʼalmoʼobiʼ.+
38 Kex beyoʼ chʼaʼab óotsilil tiʼob tumen Dios.+
Tu perdonartaj le baʼax maʼ maʼalob tu beetoʼoboʼ, maʼ tu xuʼulsajtiʼobiʼ.+
Yaʼab u téeneleʼ tu controlartuba,+
tu yilaj maʼ u sen pʼuʼujul.
39 Tumen ku kʼaʼajaltiʼ chéen kʼeban wíinikoʼob,+
beyoʼob jeʼex le iikʼ ku kʼáatmáan maʼ tu kaʼa suutoʼ.
40 Le tiaʼanoʼob teʼ desiertooʼ, ¡yaʼab u téenel tu tsʼáajubaʼob tu contra!+
¡Tu beetoʼob u yaatal u yóol teʼ desiertooʼ!+
41 Yaʼab u téenel tu tsʼáajoʼob a pruebail u paciencia Dios,+
tu beetoʼob u yaatal u yóol le Máax Santo yaan Israeloʼ.
42 Tu tuʼubsoʼob le baʼaxoʼob tu beetaj yéetel u poderoʼ,*
tu tuʼubsoʼob bix úuchik u salvartaʼaloʼob tiʼ u enemigoʼob.+
43 Tu tuʼubsoʼob le señaloʼob tu beetaj tu luʼumil Egiptooʼ,+
le milagroʼob tu beetaj tu kaajil Zoanoʼ,
44 tu tuʼubsoʼob xan bix úuchik u sutik kʼiʼikʼil u jaʼil le Río Nilo+
le ka pʼáat maʼ tu páajtal u yuʼukʼul u jaʼiloʼ.
45 Tu túuxtaj yaʼabkach áakachoʼob utiaʼal u beetik u muʼyajoʼob+
bey xan yaʼabkach muuchoʼob utiaʼal u kʼaskúuntaʼal baʼax yaantiʼob.+
46 Tu beetaj u jaantaʼal u paakʼaloʼob tumen sáakʼoʼob,*
jaantaʼab tuláakal u yich u meyajoʼob tumen sáakʼoʼob.+
47 Tu beetaj u kʼáaxal bat* utiaʼal u kʼaskúuntik u pakʼal uvaʼob,+
tu beetaj u kʼáaxal nukuch bat yóokʼol u pakʼal sicómoroʼob.
48 Tu beetaj u kíimsaʼal u yalakʼ baʼalcheʼob tumen le nukuch batoʼ,+
tu beetaj u kíimsaʼal u yalakʼ wakaxoʼob tumen rayoʼob.
49 Tu beetaj u yilkoʼob bukaʼaj pʼujaʼanil.
Jach pʼuʼuj tu yéeteloʼob, tu condenartoʼob, tu beetaj u muʼyajoʼob,
tu túuxtaj u ángeloʼob utiaʼal u beetik nojoch loob tiʼob.
50 Tu beetaj u taal tuláakal u pʼujaʼanil tu yóokʼoloʼob.
Maʼ tu salvartoʼob tiʼ le kíimiloʼ.
Tu beetaj u kíimloʼob yéetel kʼaakʼas kʼojaʼaniloʼob.*
51 Tu tsʼookeʼ tu beetaj u kíimil u yáax hijoʼob le egipcioʼoboʼ,+
le yáax paalaloʼob síijoʼob tu yotoch Camoʼ.
52 Ka tsʼoʼokeʼ tu jóoʼsaj u kaajal tu luʼumil Egipto,+
tu nuʼuktoʼob teʼ desierto jeʼex u nuʼuktaʼal tamanoʼobeʼ.
53 Tu kanáantoʼob le táan u biskoʼoboʼ,
le oʼolal maʼ sajakchajoʼobiʼ.+
Tu beetaj u búulul u enemigoʼob teʼ kʼáaʼnáaboʼ.+
54 Tu bisoʼob teʼ luʼum u yaʼalmaj u tsʼáaiktiʼoboʼ,+
teʼ luʼum tu chʼaʼaj yéetel u x-noʼoj kʼaboʼ, junpʼéel luʼum tuʼux yaan yaʼab montañaʼob.+
55 Mix junpʼéel kaaj tu chaʼaj u pʼáatal waʼatal tu táanoʼob.+
Tu pʼisaj le luʼumoʼ ka tu tsʼáajtiʼob bey herenciaeʼ.+
Tu tsʼáaj tuʼux u kajtal cada tribu tiʼ u kaajil Israel.+
56 Pero seguernaj u tsʼáaikubaʼob tu contra le Maas Nojoch Diosoʼ, jach tercoʼob kaʼachi,+
maʼ tu beetoʼob u cuentail le baʼaxoʼob ku kʼaʼajsaʼaltiʼoboʼ.+
57 Tu beetoʼob xan jeʼex u yúuchben láakʼtsiloʼobeʼ, tu xúumpʼattoʼob Dios, tu traicionartoʼob,+
ku pʼatkoʼob máak kʼaasil jeʼex junpʼéel flecha tsʼoʼok u kʼastaleʼ.+
58 Seguernaj u beetkoʼob u pʼuʼujul Dios yoʼolal le kaʼanal lugaroʼob tuʼux ku adoraroʼoboʼ,+
ku beetkoʼob kaʼach u pʼuʼujul yoʼolal le imagenoʼoboʼ.+
59 Ka tu yilaj Dios baʼax ku beetkoʼobeʼ sen pʼuʼuji,+
le oʼolal tu xúumpʼattaj u kaajil Israel.
60 Ka tsʼoʼokeʼ tu xúumpʼattaj le tabernáculo yaan tu kaajil Silóoʼ,+
le naj de nookʼ tuʼux kajakbal kaʼach ichil le máakoʼoboʼ.+
62 Tu chaʼaj u kíimsaʼal u kaajal yéetel espada,+
jach pʼuʼuj tu contra u kaajal.
63 Tu chaʼaj u tóokaʼal le táankelem xiʼipalaloʼoboʼ,
le oʼolal mix junpʼéel u kʼaayil tsʼoʼokol beel kʼaʼay tiʼ le x-chʼúupalaloʼoboʼ.*
65 Jéeobaeʼ bey ajal tu beeteʼ,+
jeʼex juntúul soldado+ maʼ tu séeb ajal tumen tu yukʼaj yaʼab vinoeʼ.
66 Tu beetaj u jóokʼol u yáalkab le máaxoʼob pʼekmiloʼ,+
tu beetaj u suʼlaktaloʼob utiaʼal mantatsʼ.
67 Tu rechazartaj u paalal José,
maʼ tu yéeyaj u paalal Efraíniʼ.
69 Ka tu beetaj le lugar santooʼ tu beetaj utiaʼal ka xáanchajak jeʼex le kaʼanoʼ,+
tu beetaj jeʼex le luʼum minaʼan xuʼulultiʼoʼ.+