¿Máax gobernartik le yóokʼol kaabaʼ?

LE BIBLIAOʼ KU YAʼALIK

«U túulisil yóokʼol kaabeʼ tiaʼan yáanal u páajtalil le Kʼaasilbaʼaloʼ» (1 Juan 5:19, Túumben Luʼum).

«U Paal Dioseʼ taal utiaʼal u xuʼulsik tiʼ le baʼaloʼob u beetmaj le Kʼaasilbaʼaloʼ» (1 Juan 3:8, Túumben Luʼum).

BIX U YÁANTKECH LELAʼ

Yaan a wojéeltik baʼax oʼolal ku sen beetaʼal baʼaloʼob kʼaastak teʼ yóokʼol kaabaʼ (Apocalipsis 12:12).

Yaan u yáantkech a wil yaan u yutskíintaʼal le yóokʼol kaabaʼ (1 Juan 2:17).

¿JEʼEL WA U PÁAJTAL A CREERTIK BAʼAX KU YAʼALIK LE BIBLIAOʼ?

Jeʼeleʼ, ilawil baʼaxten:

• Yaan u xuʼulsaʼal tiʼ u gobernación Satanás. Kéen u beet Jéeoba lelaʼ, Satanáseʼ yaan u xuʼulul u controlartik le yóokʼol kaabaʼ. Dioseʼ ku yaʼalikeʼ yaan «u xuʼulsik tiʼ le [...] Kʼaasilbaʼaloʼ» yéetel yaan u yutskíintik tuláakal le kʼaas tsʼoʼok u beetkoʼ (Hebreos 2:14, Túumben Luʼum).

• Dioseʼ u yéeymaj Jesucristo utiaʼal u gobernar. Jesúseʼ jach uts, maʼ bey jeʼex le kʼasaʼan máax gobernartik le Luʼumaʼ. Dioseʼ tu yaʼalaj bix kun gobernar Jesús: «Yaan u chʼaʼik óotsilil tiʼ le óotsiloʼoboʼ bey xan tiʼ le máaxoʼob ku pechʼ óoltaʼaloʼoboʼ [...]. Yaan u salvarkoʼob tiʼ le máaxoʼob beetik u muʼyajoʼob yéetel beetik loob tiʼoboʼ» (Salmo 72:13, 14).

• Dioseʼ maʼatech u tuus. Le Bibliaoʼ ku yaʼalik: «Dioseʼ junpuliʼ maʼ tu páajtal u tuus» (Hebreos 6:18). Kéen u yaʼal Jéeoba junpʼéel baʼaleʼ, ¡beet cuenta bey tsʼoʼok u beetkeʼ! (Isaías 55:10, 11). Jéeobaeʼ ku yaʼalikeʼ ‹yaan u xáakchʼintik› u gobernanteil le yóokʼol kaabaʼ (Juan 12:31).