-
Jéeobaeʼ u kʼáat ka kuxlakoʼon ich kiʼimak óolal¡Disfrutart le kuxtal mantatsʼoʼ! Le Bibliaoʼ ku yaʼaliktech bixi
-
-
XOOK 25
Jéeobaeʼ u kʼáat ka kuxlakoʼon ich kiʼimak óolal
Le Bibliaoʼ ku yaʼalikeʼ «u kuxtal wíinikeʼ jach kóom, tsʼoʼoleʼ chuup yéetel problemas» (Job 14:1). Chéen baʼaleʼ Dioseʼ maʼ bey u kʼáat ka kuxlakoʼonoʼ. ¿Bix túun u kʼáat ka kuxlakoʼon? ¿Yaan wa u béeytal le baʼax u tukultmaj utiaʼal wíinikoʼ? Ilawil baʼax ku yaʼalik le Biblia yoʼolal leloʼ.
1. ¿Bix u kʼáat Dios ka kuxlakoʼon?
Jéeobaeʼ u kʼáat ka xiʼik maʼalob tiʼ wíinik. Desde ka tu beetaj Adán yéetel Evaeʼ tu tsʼáajoʼob tiʼ junpʼéel jatsʼuts paraíso ku kʼaabaʼtik Edén. Le ka tsʼoʼokeʼ «Dioseʼ tu bendecirtoʼob táan u yaʼalik: ‹Yanchajak a paalaleʼex yéetel yaʼabchajkeʼex, chupeʼex le luʼumaʼ yéetel kanáanteʼex›» (Génesis 1:28). Jéeobaeʼ u kʼáat kaʼach ka yanak u paalaloʼob, ka u jatsʼutskíintoʼob le Luʼumaʼ yéetel ka u kanáantoʼob le baʼalcheʼoboʼ. Maʼ u kʼáat kaʼach ka yanak mix junpʼéel kʼojaʼaniliʼ yéetel u kʼáat kaʼach ka kuxlak máak mantatsʼ.
Kex maʼ béeychaj le baʼax u tukultmoʼ,a Jéeobaeʼ maʼ u kʼex u tuukuliʼ (Isaías 46:10, 11). Letiʼeʼ láayliʼ u kʼáat ka kuxlak máak mantatsʼ tiʼ junpʼéel paraísoeʼ (xok Apocalipsis 21:3, 4).
2. ¿Bix jeʼel k-disfrutartik le kuxtal desde beoraaʼ?
Jéeobaeʼ tu beetoʼon yéetel u tsʼíibolalil k-kʼaj óoltik yéetel k-adorartik (xok Mateo 5:3-6). Letiʼeʼ u kʼáat ka k-bisba tu yéetel, ka xíimbalnakoʼon «tiʼ tuláakal u beeloʼob», ka k-chʼaʼ en cuenta tiʼ tuláakal baʼax k-beetik, ka k-yaabilte bey xan ka k-meyajt ‹yéetel tuláakal k-puksiʼikʼal› (Deuteronomio 10:12; Salmo 25:14). Wa k-beetik beyoʼ kex ka yanaktoʼon problemaseʼ jeʼel u yantaltoʼon kiʼimak óolaleʼ. Jeʼex k-ilkoʼ k-adorartik Jéeobaeʼ ku tsʼáaik u biilal k-kuxtal.
UTIAʼAL A MAAS NAʼATIK
Koʼox ilik bix tu yeʼesil u yaabilaj Jéeoba úuchik u beetik le Luʼum utiaʼal u kajtal wíinikoʼ. Tsʼoʼoleʼ yaan k-ilik xan teʼ Biblia baʼax unaj k-beetik utiaʼal u yantal u biilal k-kuxtaloʼ.
3. Jéeobaeʼ u kʼáat ka kuxlakoʼon ich kiʼimak óolal
Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
¿Baʼaxten jach maʼalob úuchik u beetik Dios le Luʼumaʼ?
Xokeʼex Eclesiastés 3:11, kéen tsʼoʼokkeʼ ka tsikbaltikeʼex lelaʼ:
¿Baʼax ku kaʼansiktoʼon le teksto yoʼolal Jéeobaoʼ?
4. Le baʼax u tukultmaj Jéeobaoʼ maʼ kʼexpajkiʼ
Xokeʼex Salmo 37:11, 29 yéetel Isaías 55:11, kéen tsʼoʼokkeʼ ka tsikbaltikeʼex lelaʼ:
¿Bix k-ojéeltik Jéeobaeʼ láayliʼ u kʼáat ka kuxlakoʼon ich kiʼimak óolaleʼ?
Kex tsʼoʼok u sen kʼastal junpʼéel najeʼ jeʼel u páajtal u kaʼa utskíintaʼaleʼ; láayliʼ bey xan u yúuchul yéetel le Luʼumaʼ, Jéeobaeʼ yaan u yutskíintik utiaʼal u tsʼáaik tiʼ le máaxoʼob yaabiltmiloʼ
5. U adorartaʼal Jéeobaeʼ ku tsʼáaik u biilal u kuxtal máak
Ku taasiktoʼon kiʼimak óolal k-ojéeltik baʼax oʼolal kuxaʼanoʼon. Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
¿Baʼax tu beetaj Terumi ka tu kanaj baʼax u biilal le kuxtaloʼ?
Xokeʼex Eclesiastés 12:13, kéen tsʼoʼokkeʼ ka tsikbaltikeʼex lelaʼ:
¿Bix jeʼel k-tsʼáaik gracias tiʼ Jéeoba yoʼolal tuláakal le baʼaxoʼob tsʼoʼok u beetik t-oʼolaloʼ?
BAʼAX SUUK U KʼÁATAʼAL: «¿Baʼaxten kuxaʼan máak? ¿Baʼax u biilal le kuxtalaʼ?».
Techeʼ, ¿baʼax jeʼel a núukikeʼ?
BAʼAX TSOʼOLI
Jéeobaeʼ u kʼáat ka kuxlakoʼon ich kiʼimak óolal way yóokʼol kaabeʼ. Kéen k-adorart yéetel u jaajil k-óoleʼ ku yantal u biilal k-kuxtal.
Baʼax ta kanaj
¿Bix u kʼáat kaʼach Jéeoba ka kuxlak Adán yéetel Eva?
¿Bix k-ojéeltik maʼ kʼexpajak le baʼax u kʼáat Dios utiaʼal wíinikoʼ?
¿Baʼax jeʼel u yáantkech utiaʼal u yantal u biilal a kuxtaleʼ?
KAN U MAASIL
Ilawil baʼax eʼesik jach tu jaajil anchaj u jardínil Edén.
«U jardínil Edén, ¿jach wa tu jaajil anchaji?» (U xookiloʼob U Pʼiich Tulumil Kanan)
Ojéelt baʼaxten k-aʼalikeʼ mix bikʼin kun xuʼulsbil tiʼ le Luʼumaʼ.
Xok teʼ Biblia baʼax oʼolal kuxaʼan máakoʼ.
Chaʼant baʼaxten juntúul máak yaan kaʼach tuláakal baʼal tiʼeʼ tu tsʼáaj cuenta yaan baʼax ku bineltiktiʼ ichil u kuxtal.
a Teʼ tuláakʼ xookoʼ yaan k-ilik baʼaxten maʼ béeychaj le baʼax u tukultmaj Jéeobaoʼ.
-
-
¿Baʼax u Reino Dios?¡Disfrutart le kuxtal mantatsʼoʼ! Le Bibliaoʼ ku yaʼaliktech bixi
-
-
2. ¿Máaxoʼob kun gobernaroʼob yéetel Jesús?
Jesúseʼ yaan u gobernar yéetel máakoʼob «tiʼ tuláakal tribu, kaajil, idioma yéetel luʼumil» (Apocalipsis 5:9, 10). ¿Jaytúul máakoʼob kun gobernar yéetel Cristo? Desde ka taal Jesús way Luʼumeʼ u millonesil máakoʼob táan u beetkubaʼob u discípuloʼob. Chéen baʼaleʼ chéen 144,000 kun binoʼob reinar tu yéetel teʼ kaʼanoʼ (xok Apocalipsis 14:1-4). U maasil u discípuloʼob Jesúseʼ way Luʼum kun kajtaloʼob yáanal u Reino Dioseʼ (Salmo 37:29).
-
-
Baʼax ken u beet u Reino Dios¡Disfrutart le kuxtal mantatsʼoʼ! Le Bibliaoʼ ku yaʼaliktech bixi
-
-
Baʼax ken u beet u Reino Dios
U Reino Dioseʼ táan u gobernar. Maʼ tun xáantaleʼ yaan u kʼexik yaʼab baʼaloʼob way Luʼumeʼ. Techeʼ jeʼel u páajtal a wilik le baʼaloʼob maʼalobtak ken u beet le Reinoaʼ. Koʼox ilik jujunpʼéeliʼ.
1. ¿Bix ken u beet u kaʼa antal justicia yéetel jeetsʼelil way Luʼumeʼ?
Jesúseʼ yaan u láaj xuʼulsik le kʼasaʼan máakoʼoboʼ bey xan le gobiernoʼob tiʼ u guerrail Armagedónoʼ (Apocalipsis 16:14, 16). Yaan u béeytal le profecíaaʼ: «Ichil junpʼíit kʼiineʼ maʼ kun antal kʼasaʼan máakoʼob» (Salmo 37:10). Yéetel u Reino Dioseʼ Jesúseʼ yaan u beetik u yantal jeetsʼelil bey xan justicia tiʼ tuláakal yóokʼol kaab (xok Isaías 11:4).
2. ¿Bix kun kuxtal wíinik le kéen béeyak baʼax u kʼáat Dios way Luʼumeʼ?
Yáanal u Reino Dioseʼ «le máaxoʼob ku beetkoʼob baʼax maʼaloboʼ yaan u pʼáatloʼob way luʼumeʼ, way kun kajtaloʼob utiaʼal mantatsʼeʼ» (Salmo 37:29). Chéen tukult bix le kuxtal tiʼ junpʼéel lugar tuʼux tuláakal máak beetik baʼax maʼalob, tuláakal máak ku yaabiltik Jéeoba, mix máak kun kʼojaʼantal yéetel mix máak kun kíimil. ¿Máasaʼ jach jatsʼuts?
3. ¿Baʼax ken u beet u Reino Dios kéen xuʼulsaʼak le kʼasaʼan máakoʼoboʼ?
Kéen tsʼoʼokok u xuʼulsaʼal le kʼasaʼan máakoʼoboʼ Jesúseʼ yaan u gobernar mil años. Tu yáamil le tiempooʼ Jesús yéetel le 144,000 máakoʼob kun gobernaroʼob tu yéeteloʼ yaan u luʼskoʼob le kʼeban yaan tiʼ wíinikoʼ. Le kéen tsʼoʼokok le tiempo jeʼeloʼ le Luʼumaʼ tsʼokaʼaniliʼ xan u pʼáatal junpʼéel jatsʼuts paraísoeʼ. Yaan u chuʼupul yéetel máakoʼob kiʼimak u yóoloʼob ikil u beetkoʼob baʼax u kʼáat Jéeoba. Kéen tsʼoʼokkeʼ Jesúseʼ yaan u sutik le Reino tiʼ u Taataoʼ. Bey kun santificarbil u kʼaabaʼ Diosoʼ (Mateo 6:9, 10). Yaan u yilaʼaleʼ Jéeobaeʼ jach maʼalob u gobernar yéetel ku kanáantik u kaajal. Tu tsʼookeʼ Jéeobaeʼ yaan u xuʼulsik Satanás yéetel u demonioʼob yéetel jeʼel máaxak ka u tsʼáauba tu contra u gobiernoeʼ (Apocalipsis 20:7-10). Le baʼaloʼob maʼalobtak ken u beet u Reino Diosoʼ mix bikʼin kun xuʼululoʼob.
UTIAʼAL A MAAS NAʼATIK
Koʼox ilik baʼaxten jeʼel u páajtal k-creertik u Reino Dioseʼ yaan u béeykuntik tuláakal baʼax u prometermaj tiʼ wíinik.
4. U Reino Dioseʼ yaan u xuʼulsik u gobierno wíinik
«Máakeʼ mantatsʼ ku pechʼ óoltik u yéet máakil utiaʼal u beetik kʼaas tiʼ» (Eclesiastés 8:9). Chéen baʼaleʼ u Reino Dioseʼ yaan u yutskíintik tuláakal le baʼaloʼob kʼaastak tsʼoʼok u beetik wíinikoʼ.
Xokeʼex Daniel 2:44 yéetel 2 Tesalonicenses 1:6-8, kéen tsʼoʼokkeʼ ka tsikbaltikeʼex lelaʼ:
¿Baʼax ken u beet Jéeoba yéetel Jesús tiʼ u gobierno wíinik bey xan tiʼ le máaxoʼob apoyarkoʼ?
Le baʼax tsʼoʼok a kanik tiʼ Jéeoba yéetel Jesúsoʼ, ¿bix u yeʼesiktech maʼalob tuláakal le baʼax ken u beetoʼoboʼ?
5. Jesúseʼ letiʼe maas maʼalob Reyoʼ
Le kéen reinarnak Jesús way Luʼumeʼ yaʼab baʼax ken u beet yoʼolal wíinik. Chaʼanteʼex le VIDEO utiaʼal a wilkeʼex Jesúseʼ jach u kʼáat u yáant wíinik yéetel Dioseʼ tsʼoʼok u tsʼáaik poder tiʼ utiaʼal u beetik.
Le baʼax tu beetaj Jesús le ka anchaj way Luʼumeʼ tu yeʼesaj baʼax ken u beet u Reino Dios. ¿Tiʼ le promesaʼob ken k-iloʼ máakalmáak maas taak a wilik u béeytaliʼ? Xokeʼex tuláakal le tekstoʼob tuʼux yaan le promesaʼoboʼ.
LE TIAʼAN WAY LUʼUMEʼ JESÚSEʼ...
DESDE TEʼ KAʼANOʼ JESÚSEʼ...
... tu controlartaj yaʼab baʼaloʼob jeʼex le iikʼoʼ (Marcos 4:36-41).
... yaan u yutskíintik le baʼaloʼob kʼaskúuntaʼan way Luʼumeʼ (Isaías 35:1, 2).
... tu tséentaj u milesil máakoʼob (Mateo 14:17-21).
... yaan u beetik u yantal yaʼab baʼal utiaʼal jaantbil (Salmo 72:16).
... tu tsʼakaj yaʼab máakoʼob (Lucas 18:35-43).
... yaan u tsʼáaik toj óolal tiʼ tuláakal máak (Isaías 33:24).
... tu kaʼa kuxkíintaj jujuntúul máakoʼob (Lucas 8:49-55).
... yaan u luʼsik le kíimiloʼ (Apocalipsis 21:3, 4).
6. Jach maʼalob kun bin tiʼ wíinik yoʼolal u Reino Dios
U Reino Dioseʼ yaan u béeykuntik le baʼax u tukultmaj Dios desde úuchjeakiloʼ: u kuxtal wíinik mantatsʼ tiʼ junpʼéel paraíso way Luʼumeʼ. Chaʼanteʼex le VIDEO utiaʼal a wilkeʼex bix u béeykuntik Jéeoba le baʼax u tukultmaj yéetel u yáantaj Jesúsoʼ.
Xokeʼex Salmo 145:16, kéen tsʼoʼokkeʼ ka tsikbaltikeʼex lelaʼ:
¿Bix a wuʼuyikaba ikil a wojéeltik Jéeobaeʼ yaan u «tsʼáaik baʼax ku tsʼíiboltik tuláakal baʼal kuxaʼan»?
BAʼAX SUUK U YAʼALAʼAL: «Wa ka múul meyajnak wíinikeʼ jeʼel u páajtal u yutstal le problemas yaan way yóokʼol kaabeʼ».
¿Máakalmáak le problemas ken u yutskíint u Reino Dios maʼ tu páajtal u yutskíintik u gobierno wíinikoʼ?
BAʼAX TSOʼOLI
U Reino Dioseʼ yaan u béeykuntik baʼax u kʼáat Jéeoba, yaan u sutik paraísoil le Luʼumaʼ yéetel yaan u beetik u adorartaʼal Jéeoba utiaʼal mantatsʼ.
Baʼax ta kanaj
¿Bix kun santificarbil u kʼaabaʼ Jéeoba tumen u Reino?
¿Baʼaxten k-creertik u Reino Dioseʼ yaan u béeykuntik le promesaʼob yaan teʼ Bibliaoʼ?
Tiʼ tuláakal le baʼax ken u beet u Reino Diosoʼ, ¿máakalmáak maas taak a wilik u béeytaliʼ?
KAN U MAASIL
Ojéelt baʼax le Armagedónoʼ.
Ilawil baʼax kun úuchul tu kʼiinil le «nojoch muʼyajil» tu yaʼalaj Jesús teʼ Mateo 24:21.
Máans ta tuukul bix kan kuxtal yéetel a láakʼtsiloʼob teʼ Paraísooʼ.
Juntúul máakeʼ u tsʼaamuba kaʼach tu contra le gobiernooʼ. ¿Bix úuchik u kaxtik u núukil le preguntaʼob yaantiʼ kaʼachoʼ? Ilawil le xook «Yaʼab baʼaloʼob taak in wojéeltik kaʼachi».
«Kʼeʼex u kuxtaloʼob tumen le Bibliaoʼ» (U xookil U Pʼíich Tulumil Kanan)
-