XOOK 13
Yaʼab religiónoʼobeʼ ku pʼatkoʼob kʼaasil Dios
Wa Dios yaabilajeʼ, ¿baʼaxten le religiónoʼob ku yaʼalikoʼob ku adorarkoʼob Diosoʼ ku beetkoʼob baʼaloʼob kʼaastak? Tumen maʼ tu kaʼanskoʼob u jaajil, baʼaxeʼ ku pʼatkoʼob kʼaasil u kʼaabaʼ Dios. ¿Bix túun u pʼatkoʼob kʼaasil? ¿Bix u yuʼubikuba letiʼ? ¿Baʼax ken u beet yoʼolal le baʼax ku beetkoʼoboʼ?
1. ¿Bix u pʼatkoʼob kʼaasil Dios yéetel le baʼaxoʼob ku kaʼanskoʼoboʼ?
Yaʼab religiónoʼobeʼ tsʼoʼok u kʼexkoʼob «le u jaajil tiʼ Dios yoʼolal le tuusoʼ» (Romanos 1:25). Por ejemploeʼ maʼatech u kaʼanskoʼob u kʼaabaʼ Dios. Pero le Bibliaoʼ ku yaʼalikeʼ unaj k-chʼaʼchiʼitik u kʼaabaʼ (Romanos 10:13, 14). Le kéen úuchuk junpʼéel nojoch loobeʼ u nuuktakil le religiónoʼoboʼ ku yaʼalikoʼobeʼ u voluntad Dios, pero leloʼ chéen tuus tumen Dioseʼ maʼatech u beetik baʼaloʼob kʼaastak (xok Santiago 1:13). Le baʼax ku yaʼalikoʼoboʼ ku beetik u náachtal máak tiʼ Dios.
2. ¿Bix u pʼatkoʼob kʼaasil Dios yéetel le baʼaxoʼob ku beetkoʼoboʼ?
Le religiónoʼob maʼ tu kaʼanskoʼob u jaajiloʼ maʼ tu tratarkoʼob máak yéetel yaabilaj. Le Bibliaoʼ ku yaʼalikeʼ «u kʼebanoʼobeʼ tsʼoʼok u niktal yéetel tsʼoʼok u kʼuchul tak teʼ kaʼanoʼ» (Apocalipsis 18:5). Letiʼobeʼ úuch joʼopʼok u yoksikubaʼob tiʼ política, tiʼ guerra yéetel tsʼoʼok u apoyarkoʼob u kíimsaʼal yaʼab máak. Jujuntúul tiʼ u nuuktakil le religiónoʼoboʼ jach ayikʼaloʼob, tsʼoʼoleʼ utiaʼal u seguer u kuxtaloʼob beyoʼ ku kʼáatkoʼob taakʼin tiʼ le máaxoʼob yanoʼob tu religiónoʼoboʼ. Yoʼolal le baʼaxoʼob ku beetkoʼoboʼ ku yeʼeskoʼobeʼ maʼ u kʼaj óoloʼob Diosiʼ. ¿Bix túun u tʼaanoʼob tu kʼaabaʼ Dios wa maʼ u kʼaj óoloʼobiʼ? (Xok 1 Juan 4:8).
3. ¿Bix u yuʼubikuba Dios yoʼolal le baʼaxoʼob ku beetkoʼoboʼ?
Wa teech kʼaas a wilik le baʼax ku beetik le religiónoʼoboʼ, chéen tukult bix u yuʼubikuba Jéeoba le kéen u yil le baʼaloʼob kʼaastak ku beetkoʼoboʼ. Letiʼobeʼ ku pʼatkoʼob kʼaasil u kʼaabaʼ Jéeoba yéetel ku maltratarkoʼob le máaxoʼob adorarkoʼ. Jéeobaeʼ ku yaʼalikeʼ yaan u xuʼulsik le religiónoʼob maʼ tu kaʼanskoʼob u jaajiloʼ yéetel «mix bikʼin kun kaʼa ilbil[oʼob]» (Apocalipsis 18:21). Jach taʼaytak u xuʼulsaloʼob (Apocalipsis 18:8).
UTIAʼAL A MAAS NAʼATIK
Koʼox ilik baʼax ku tuklik Jéeoba yoʼolal le religiónoʼob maʼ tu kaʼanskoʼob u jaajiloʼ yéetel baʼaxten maʼ unaj u xuʼulul a kaanbal tiʼ Jéeobaiʼ.
4. Dioseʼ maʼ tu kʼamik tuláakal le religiónoʼoboʼ
Yaʼab máak tuklikeʼ le religiónoʼoboʼ beyoʼob jejeláas bejoʼob ku natsʼkoʼob máak yiknal Dioseʼ. Xokeʼex Mateo 7:13, 14, kéen tsʼoʼokkeʼ ka tsikbaltikeʼex lelaʼ:
Jeʼex u yaʼalik le Bibliaoʼ, ¿máakalmáak le bej ku bisik máak tiʼ kuxtaloʼ?
Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
¿Ku yaʼalik wa le Biblia kʼamaʼan tuláakal le religiónoʼob tumen Diosoʼ?
5. Maʼ tu yeʼeskoʼob yaabilaj jeʼex Dioseʼ
Le religiónoʼoboʼ ku pʼatkoʼob kʼaasil u kʼaabaʼ Dios le kéen u apoyartoʼob le guerraʼoboʼ. Utiaʼal a wilkeʼex bix u beetkoʼobeʼ, chaʼanteʼex le VIDEOOʼ. Kéen tsʼoʼokkeʼ ka tsikbaltikeʼex lelaʼ:
¿Baʼax tu beetaj le Iglesiaʼob teʼ Segunda Guerra Mundialoʼ?
¿Baʼax ka tuklik yoʼolal le baʼax tu beetoʼoboʼ?
Xokeʼex Juan 13:34, 35 yéetel 17:16. Kéen tsʼoʼokkeʼ ka tsikbaltikeʼex lelaʼ:
¿Bix ta tʼaan u yuʼubikuba Jéeoba le kéen u yil táan u apoyartaʼal le guerra tumen le religiónoʼoboʼ?
Yaʼab tiʼ le baʼaxoʼob kʼaastak ku yúuchloʼ u culpa le religiónoʼob maʼ tu kaʼanskoʼob u jaajiloʼ. ¿Baʼax eʼesiktech maʼ tu yeʼeskoʼob yaabilaj jeʼex u beetik Dioseʼ?
Le religiónoʼob maʼ tu kaʼanskoʼob u jaajiloʼ maʼ tu yeʼeskoʼob yaabilaj jeʼex Dioseʼ
6. Dioseʼ u kʼáat ka jóokʼkoʼon tiʼ le religión maʼ tu kaʼansik u jaajiloʼ
Xokeʼex Apocalipsis 18:4,a kéen tsʼoʼokkeʼ ka tsikbaltikeʼex lelaʼ:
Jeʼex k-ilkoʼ Dioseʼ u kʼáat ka jóokʼkoʼon tiʼ le religión maʼ tu kaʼansik u jaajiloʼ. Techeʼ, ¿baʼax ka tuklik yoʼolal leloʼ?
7. Seguernak a kʼaj óoltik Dios
¿U culpa wa Dios le baʼaxoʼob kʼaastak ku beetik le religiónoʼoboʼ? Jáan tukult lelaʼ: juntúul xiʼipaleʼ maʼ tu yuʼubik u tʼaan u papá, ku xúumpʼattik u yotoch yéetel ku joʼopʼol u beetik baʼaloʼob kʼaastak. Chéen baʼaleʼ le taatatsiloʼ maʼ de acuerdo yéetel le baʼax ku beetik u hijooʼ. ¿Máasaʼ maʼ u culpa le taatatsil le baʼaxoʼob kʼaastak ku beetik u hijooʼ?
¿Unaj wa u xuʼulul a kaanbal tiʼ Jéeoba yoʼolal le baʼaloʼob kʼaastak ku beetik le religiónoʼoboʼ?
BAʼAX SUUK U YAʼALAʼAL: «Le religiónoʼoboʼ ku sen beetkoʼob baʼaloʼob kʼaastak, le beetik maʼ in kʼáat in wojéelt mix baʼal yoʼolal Diosiʼ».
¿Bey wa xan a tuukuloʼ?
¿Baʼaxten maʼ unaj k-náachtal tiʼ Dios yoʼolal le baʼaloʼob kʼaastak ku beetik le religiónoʼoboʼ?
BAʼAX TSOʼOLI
Le religiónoʼoboʼ tsʼoʼok u pʼatkoʼob kʼaasil u kʼaabaʼ Dios yoʼolal le baʼaloʼob kʼaastak ku beetkoʼoboʼ, le oʼolal yaan u xuʼulsaʼaloʼob.
Baʼax ta kanaj
¿Baʼax ka tuklik yoʼolal le baʼax ku beetik le religiónoʼob náachchajaʼanoʼob tiʼ Diosoʼ?
¿Baʼax ku tuklik Jéeoba yoʼolal le religiónoʼob maʼ tu kaʼanskoʼob u jaajiloʼ?
¿Baʼax ken u beet Dios tiʼ le religiónoʼobaʼ?
KAN U MAASIL
U maas yaʼabil le religiónoʼoboʼ maʼ tu kʼaʼamloʼob tumen Dios. Ilawil baʼaxten.
«¿Tuláakal wa le religiónoʼob ku natsʼkoʼon yiknal Diosoʼ?» (Xok teʼ jw.org)
Ojéelt baʼaxten Dioseʼ u kʼáat ka k-muchʼba utiaʼal ka k-adorarte.
«¿Jach wa kʼaʼabéet u yantal u religión máak?» (Xok teʼ jw.org)
Juntúul sacerdoteeʼ xuʼul u creertik le baʼax ku kaʼansaʼal teʼ Iglesiaoʼ. Ilawil baʼax áant utiaʼal u kʼaj óoltik Dios.
«Juntúul sacerdoteeʼ ku xúumpʼattik le Iglesiaoʼ» (¡Aajkech!, febrero tiʼ 2015)
Le religiónoʼoboʼ úuch joʼopʼok u yaʼalikoʼob Dioseʼ maʼ bin tu beetik k-cuentail yéetel kʼasaʼan. Ilawil bix káajik u kaʼansaʼal le tuusoʼobaʼ.
«Tuusoʼob náachkuntik máak tiʼ Dios» (U Pʼíich Tulumil Kanan, 1 tiʼ noviembre tiʼ 2013)