XOOK 07

¿Bix Jéeoba?

U pdf

¿Bix ta tʼaan Jéeoba? A tuklikeʼ, ¿jach wa náach yanil tiʼ toʼon jeʼex le estrellaʼob yanoʼob teʼ kaʼanoʼ wa ka tuklik chéen yaan u muukʼ bey junpʼéel kʼaʼamkach iikʼeʼ? ¿Bix jach tu jaajil Jéeoba? Leʼ Bibliaoʼ ku yaʼalik bix u modos Jéeoba yéetel ku yaʼalik xan jach u yaabiltmoʼon.

1. ¿Baʼaxten maʼ tu páajtal k-ilik Dios?

«Dioseʼ juntúul espíritu» (Juan 4:24). U wíinklil Jéeobaeʼ maʼ bey jeʼex le yaan tiʼ wíinikoʼ. Letiʼeʼ maʼ tu páajtal k-ilik tumen juntúul espíritu yaan teʼ kaʼanoʼ.

2. ¿Bey máakalmáak u jatsʼuts modos Jéeobaeʼ?

Kex maʼ tu páajtal k-ilik Jéeobaeʼ kéen k-kʼaj óolt u jatsʼuts modoseʼ k-yaabiltik. Le Bibliaoʼ ku yaʼalikeʼ «Jéeobaeʼ u yaabiltmaj baʼax toj, maʼ ken u xúumpʼat le máaxoʼob u kʼubmaj u yóoloʼob tiʼoʼ» (Salmo 37:28). Letiʼ xaneʼ «jach nojoch u yaabilaj yéetel ku chʼaʼik óotsilil», maases tiʼ le máaxoʼob táan u sufriroʼoboʼ (Santiago 5:11). «Jéeobaeʼ naatsʼ yanil tiʼ le máaxoʼob ku muʼyajoʼoboʼ, ku yáantik le máaxoʼob yaachajaʼan u yóoloʼoboʼ» (Salmo 34:18). Yéetel le baʼaxoʼob k-beetkoʼ jeʼel k-kiʼimakkúuntik u yóol Jéeobaeʼ. Wa k-beetik baʼax maʼ maʼalobeʼ ku yaatal u yóol (Salmo 78:40, 41). Pero le kéen k-beet baʼax maʼalobeʼ ku kiʼimaktal u yóol u puksiʼikʼal (xok Proverbios 27:11).

3. ¿Bix u yeʼesik u yaabiltmoʼon Jéeoba?

Le yaabilajoʼ letiʼe modos maas ku yeʼesik Jéeobaoʼ. Le Bibliaoʼ ku yaʼalikeʼ «Dioseʼ yaabilaj» (1 Juan 4:8). Jéeobaeʼ ku yeʼesik u yaabiltmoʼon yoʼolal tuláakal le baʼaxoʼob u beetmoʼ bey xan yoʼolal le Bibliaoʼ (xok Hechos 14:17). Chéen tukult bukaʼaj maʼalob tu beetil k-wíinklil, tu beetoʼon yéetel u páajtalil k-ilik jatsʼuts coloroʼob, k-uʼuyik paax bey xan k-disfrutartik kiʼikiʼ janaloʼob. Letiʼeʼ u kʼáat ka k-disfrutart le kuxtaloʼ.

UTIAʼAL A MAAS NAʼATIK

Koʼox ilik bix u meyaj tiʼ Jéeoba u espíritu santo yéetel bix u yeʼesik u jatsʼuts modos.

4. Le espíritu santooʼ u poder Dios

U dibujoiloʼob le baʼaloʼob u beetmaj Dios yéetel u espíritu santooʼ: 1. Le planetaʼob yaan teʼ kaʼanoʼ. 2. Juntúul tiʼ le máaxoʼob tsʼíibt le Bibliaoʼ táan u tsʼíibtik tiʼ junpʼéel rollo le baʼaxoʼob ku yaʼalaʼaltiʼ tumen Diosoʼ

Tiʼ toʼoneʼ ku meyaj k-kʼab utiaʼal k-meyaj, pero tiʼ Jéeobaeʼ ku meyaj u espíritu santo. Le Bibliaoʼ maʼ tu yaʼalik wa le espíritu santooʼ juntúul máak, baʼaxeʼ ku yaʼalikeʼ letiʼe poder ku meyaj tiʼ Jéeoba utiaʼal u beetik tuláakal baʼaloʼ. Xokeʼex Lucas 11:13 yéetel Hechos 2:17, kéen tsʼoʼokkeʼ ka tsikbaltikeʼex lelaʼ:

Dioseʼ yaan u tsʼáaik u espíritu santo tiʼ le máaxoʼob kʼáatik tiʼoʼ. A tuklikeʼ, ¿le espíritu santooʼ juntúul máak wa u poder Dios? ¿Baʼaxten bey a tuukuloʼ?

Tiʼ Jéeobaeʼ ku meyaj u espíritu santo utiaʼal u beetik yaʼab baʼaloʼob. Xokeʼex Salmo 33:6 yéetel 2 Pedro 1:20, 21, kéen tsʼoʼokkeʼ ka tsikbaltikeʼex lelaʼ:

¿Baʼaxoʼob tsʼoʼok u beetik Jéeoba yéetel u espíritu santo?

5. Jéeobaeʼ jach jatsʼuts u modos

Kex Moisés chúukpaj u yóol u meyajt Dioseʼ taakchaj u maas kʼaj óoltik. Le oʼolal tu yaʼalaj: «Beet uts a wáantken in wil baʼax uts ta tʼaan, beyoʼ yaan u páajtal in kʼaj óoltikech» (Éxodo 33:13). Utiaʼal u núukik tiʼ Moisés le baʼax tu kʼáatoʼ Jéeobaeʼ tʼaanaj tiʼ jujunpʼéel u jatsʼuts modos. Xokeʼex Éxodo 34:4-6, kéen tsʼoʼokkeʼ ka tsikbaltikeʼex lelaʼ:

¿Máakalmáak u jatsʼuts modos Jéeoba tu yaʼalaj tiʼ Moisésoʼ?
¿Máakalmáak tiʼ u jatsʼuts modos Jéeoba maas jatsʼuts a wilkiʼ?

6. Jéeobaeʼ u yaabiltmoʼon

Úuchjeakileʼ le kaaj u yéeymaj Diosoʼ esclavizartaʼab tu luʼumil Egipto. ¿Bix tu yuʼubiluba Jéeoba le ka tu yilaj bix u sufrir u kaajal? Tsʼáa a wuʼuyeʼex u GRABACIÓNIL Éxodo 3:1-10 wa xok ta Bibliaʼex, kéen tsʼoʼokkeʼ ka tsikbaltikeʼex lelaʼ:

GRABACIÓN: Jéeobaeʼ yaachaj u yóol úuchik u sufrir u kaajal (2:45)

¿Bix u yuʼubikuba Jéeoba le kéen u yil u sufrir máak? (Ilawileʼex versículo 7 yéetel 8).
¿Jach wa tu jaajil Jéeobaeʼ taak u yáantik máak? ¿Jeʼel wa ta tʼaan u páajtal u yáantkoʼoneʼ? ¿Baʼaxten ka tuklik jeʼel u beetkeʼ?

7. K-ilik u modos Jéeoba tiʼ le baʼaloʼob u beetmoʼ

Dibujoʼob: juntúul ballena wa orca yéetel u mejnil, looloʼob yéetel juntúul chan tsʼunuʼum

Jéeobaeʼ ku yeʼesiktoʼon u jatsʼuts modos yéetel le baʼaxoʼob u beetmoʼ. Chaʼanteʼex le VIDEOOʼ. Tsʼoʼoleʼ xokeʼex Romanos 1:20, kéen tsʼoʼokkeʼ ka tsikbaltikeʼex lelaʼ: