你知唔知道？

司提反遭受迫害嗰阵点解可以咁平静？

司提反面对一班对佢充满敌意嘅人。犹太公议会系以色列嘅最高法庭。公议会嘅71个成员系犹太人当中最有权势嘅人。几个月之前，大祭司该亚法召集公议会成员，审判并处死咗耶稣。（马太福音26:57,59；使徒行传6:8-12）嗰啲充满敌意嘅人亦都将司提反押到公议会。正当佢哋陆续带嚟嘅假见证人诬告司提反嘅时候，佢哋留意到“司提反嘅面貌好似天使嘅面貌”，就觉得非常惊讶。（使徒行传6:13-15）

喺当时嘅情况下，司提反遭受咁多威迫、恐吓，点解仲可以保持沉着冷静呢？俾人拉去公议会受审之前，司提反喺圣灵嘅推动下，热心执行自己嘅委派。（使徒行传6:3-7）审讯期间，同一股圣灵喺佢身上发挥作用，使佢得到安慰，记起学过嘅知识。（约翰福音14:16）使徒行传第7章记载咗司提反点样为自己辩护。经文描述，圣灵帮助司提反记起二十几段希伯来语经文。（约翰福音14:26）司提反亦都喺异象入面见到耶稣企喺上帝嘅右边，信心更加受到强化。（使徒行传7:54-56,59,60）

有朝一日我哋都可能会面对恐吓同迫害。（约翰福音15:20）我哋经常阅读上帝嘅话语并热心参与传道，圣灵就可以作用喺我哋身上。噉样，我哋亦都可以同司提反一样，有力量抵受反对，同时保持内心平静安宁。（彼得前书4:12-14）