基督徒嘅生活
我哋可以点样热心钻研圣经呢？
你想唔想好似但以理一样喺考验下保持忠贞呢？但以理热心钻研上帝嘅话语，包括一啲深奥嘅预言。（但9:2）热心钻研圣经可以帮助你保持忠贞。点解噉讲呢？钻研圣经会增强你嘅信心，深信耶和华嘅应许一定会实现。（书23:14）你亦会增强对上帝嘅爱，推动你去做啱嘅事。（诗97:10）但系从何入手呢？你可以考虑吓以下嘅建议。
我应该研读乜嘢资料呢？良好嘅研读习惯包括为聚会做准备。如果你花啲时间，查吓每星期经文阅读唔明嘅地方，噉造益就更大嘞。另外，有啲人会选择研究圣经嘅预言，圣灵果实嘅各种特质，使徒保罗嘅传道旅程，甚至系耶和华奇妙嘅创造。如果你谂起一个圣经问题，不妨记低佢，计划下次研读嘅时候研究一下。
我可以喺边度揾资料呢？或者可以睇吓《挖掘属灵宝藏嘅检索工具》呢个影片有乜嘢建议。想试吓你对呢啲工具有几熟悉，可以查吓但以理书第7章描述嘅“野兽”代表乜嘢。
我要拨出几多时间去研读呢？经常研读系维持属灵健康嘅要诀。一开始，研读嘅时间可以短一啲，之后可以逐步加长。研读上帝嘅话语就好似挖掘一啲隐藏嘅宝藏一样，揾嘅宝藏越多，你就越想继续挖掘落去！（箴2:3-6）你对上帝嘅话语会养成“切望嘅心”，研读圣经嘅习惯亦会成为你生活嘅一部分。（彼前2:2）
但以理书第7章描述嘅“野兽”代表乜嘢呢？
额外问题：
下次研究乜嘢：
启示录13章所描述嘅野兽代表啲乜嘢呢？