改善传道技巧——善用问题

点解咁重要：圣经话“人心里嘅思想好似深处嘅水”，善用问题就好似用水桶打水一样，可以将人嘅谂法汲引出嚟。（箴20:5）问题能引发回应，使对方更加留心。精心构思嘅问题，可以帮我哋从对方嘅回应取得有用嘅信息。耶稣经常善用问题。我哋可以点样效法佢呢？

点样做：

• 善用问题探知观点。耶稣用一连串嘅问题去探知门徒嘅观点。（太16:13-16；《传道训练班课本》238页2-4段）你可以用乜嘢问题探知对方嘅观点呢？

• 善用问题引发思考。为咗纠正彼得嘅谂法，耶稣问咗彼得几个问题，又提出几个选项，引导佢得出正确嘅结论。（太17:24-26）为咗帮助人得出正确嘅结论，你会善用乜嘢问题引发对方思考呢？

• 称赞对方。有个抄经士回应耶稣嘅提问，佢“答得聪明”，耶稣就称赞佢。（可12:34）有人回答问题后，你可以点样称赞对方呢？

播放《效法耶稣做善工——教导人》第一部分，然后讨论以下问题：

• 虽然弟兄教导嘅资料系正确嘅，但系点解佢嘅教导效果唔理想呢？

• 点解我哋唔应该只系一味解释资料？

播放影片嘅第二部分，然后讨论以下问题：

• 弟兄点样善用问题呢？

• 佢嘅教导仲有乜嘢地方值得我哋学习呢？