要避开社交媒体嘅危险

点解咁重要：同好多工具一样，社交媒体好似“两刃剑”噉，有利亦有弊。有啲基督徒选择唔使用社交媒体，有啲基督徒就会用社交媒体嚟同家人朋友保持联系。不过，撒但好想我哋滥用或者误用社交媒体，使我哋嘅名声同属灵情况受损害。所以我哋可以效法耶稣，运用圣经嘅原则，认清同避开呢啲危险。（路4:4,8,12）

要避开嘅危险：

• 过度使用社交媒体。花太多时间喺社交媒体或者社交网站，会占用我哋用喺属灵活动嘅时间。

  圣经原则：弗5:15,16；腓1:10

• 浏览有问题嘅资讯。睇一啲挑逗性嘅影像可以导致人沉迷色情资讯，甚至犯性不道德。浏览叛道者嘅网站或者文章会削弱一个人嘅信心。

  圣经原则：太5:28；腓4:8

• 发布唔恰当嘅留言或者图片。人嘅心系诡诈嘅，可能会发布咗啲唔恰当嘅留言或者相片喺社交媒体，噉就可能会破坏一个人嘅声誉，或者导致其他人喺属灵上失足。

  圣经原则：罗14:13；弗4:29

睇完《在社交网站做个聪明人》呢个影片后，谂吓可以点样避开以下嘅情况：