大洪水嘅警告——边个听？边个唔听？

喺挪亚嘅时代，大多数人都做坏事。 创世记6:5

亚当同夏娃生儿育女，地上嘅人就越来越多。后来，有啲天使跟随撒但背叛上帝。

佢哋嚟到地上，改变形态成为男人，同人间嘅女人结婚。佢哋生嘅仔都系巨人，力大无穷，凶恶残暴。

嗰阵时，地上到处都有坏人坏事。圣经话：“耶和华见人喺地上作恶多端，心入面成日谂嘅，都系恶事。”喺挪亚嘅时代，大多数人都做坏事。

挪亚听上帝嘅话，造咗只方舟。 创世记6:13,14,18,19,22

挪亚系个好人。耶和华话俾挪亚知，佢好快就会用大洪水消灭坏人。

上帝要挪亚造一只大船，叫做“方舟”，仲吩咐挪亚带埋屋企人同各种各样嘅动物入方舟。

挪亚警告人，大洪水好快就要嚟喇。但啲人唔听，有啲人仲取笑佢，甚至好憎佢添。

造好方舟之后，挪亚就将动物带入去。