大会资讯

招待 招待员好乐意提供协助。关于留位、泊车、疏导人群一类嘅事，请听从招待员嘅指示，全力配合佢哋嘅工作。

浸礼 受浸者席喺讲台正前方嘅座位区，或者其他指定地点。请打算受浸嘅人喺星期六上午浸礼演讲开始前，到受浸者席就座，同时自备毛巾同埋端庄嘅受浸服装。

捐款 为咗令大家好好享受大会、更亲近耶和华，大会用咗好多经费提供足够嘅座位、优质嘅影音设备同其他服务。你嘅捐款将会用嚟支付大会嘅开销同支持全球嘅传道工作。喺会场嘅唔同位置都放咗捐款箱，每个捐款箱都有清楚嘅标示。你亦都可以通过donate.jw.org喺线上捐款。无论捐几多，都系好宝贵嘅。中央长老团非常感谢你慷慨支持上帝王国嘅工作。

急救 请注意，呢个部门只提供紧急护理。

失物认领 任何执到嘅失物都请交去失物认领部。如果你唔见咗嘢，请到呢个部门查询。如果发现有小朋友走失，请带佢哋到呢个部门。为咗减少呢种情况，请父母看管好自己嘅小朋友。

座位 请多为其他人着想。请注意，只可以为亲属，同你同车、同住嘅人或者圣经学生留座。如果唔系为咗留座，请唔好将物件放喺座位上面。

志愿服务 如果你想支持大会嘅工作，请到询问及志愿服务部报名。

耶和华见证人中央长老团主办