善用生命赞美耶和华！

生命系一份好宝贵嘅礼物。我哋每日点样善用佢，反映出我哋有几珍视呢份礼物。作为耶和华见证人，我哋会努力善用才干同能力去荣耀生命嘅赐予者耶和华。（诗36:9；启4:11）不过，生活喺呢个邪恶嘅世界，压力同忧虑好容易使我哋唔再将属灵嘅事放喺第一位。（可4:18,19）我哋都应该问吓自己：“我有冇将最好嘅献俾耶和华呢？（何14:2）我嘅工作或者事业对属灵健康有乜嘢影响呢？我嘅属灵目标系乜嘢呢？我可以点样扩大服务呢？”如果你留意到自己有需要改进嘅地方，可以祷告求耶和华帮助，作出必要嘅调整。毫无疑问，善用每一日去赞美耶和华可以令你嘅人生又满足又开心！（诗61:8）

睇完《善用才华赞美耶和华》影片之后，回答以下嘅问题：

• 点解将你嘅才干贡献俾撒但嘅世界系唔明智嘅呢？（约一2:17）

• 人将最好嘅献俾耶和华，可以得到乜嘢福分呢？

• 你想喺边啲神圣服务上，贡献自己嘅才干呢？