改善传道技巧——建立续访

点解建立续访咁重要：好多对王国信息感兴趣嘅人都寻求紧上帝嘅真理。（赛55:6）为咗按部就班噉帮助佢哋，我哋一定要继续返去做续访。感兴趣嘅人可能面对紧唔同嘅难题，所以帮助佢哋培养属灵兴趣嘅方法，亦都因人而异。不过，如果我哋做足准备，每次探访都有明确嘅目标，而最终目标系开始圣经讨论，噉传道工作就更加有效率嘞。

点样建立续访：

• 尽快喺几日之内返去做续访。（太13:19）

• 要友善，表现尊重。唔使太紧张

• 先有礼貌噉同对方打招呼。记得用对方嘅称呼。话俾对方知点解你会返去探佢，譬如：系要解答一个问题、带最新嘅杂志俾佢、介绍JW网站、播放一段影片，或者示范圣经讨论。如果佢对其他话题感兴趣，就要灵活变通，调整话题嘞。（腓2:4）

• 如果想真理种子喺对方嘅心入面生长，就要淋水。方法就系运用圣经，解释经文嘅意思，或者留低圣经书刊。（林前3:6）要尽力同对方建立友好嘅关系

• 为下一次续访铺路