改善传道技巧——教导学生准备资料

点解咁重要：学生为圣经讨论做好准备嘅话，就可以更加明白学习嘅内容，亦更容易记得学习嘅资料。佢哋明白得越多，记得越多，就会进步得更快。就算将来学生受咗浸，佢哋都需要继续为聚会同传道工作做准备，以求“不断守望”。（太25:13）所以，如果圣经学生学会点样准备资料，有良好嘅研读习惯，噉佢哋就一生受益嘞。学生一开始学习圣经，我哋就要帮助佢哋养成呢个良好嘅习惯。

点样做：

• 

  做个好榜样。（罗2:21）备课嘅时候要谂吓每个圣经学生嘅需要。（《月报》2015/11刊3页）打开你嘅课本，俾学生睇吓你点样做好预习

• 

  鼓励学生做好准备。开始常规嘅圣经讨论之后，要令学生睇出，预习资料系圣经讨论安排嘅重要一环，亦要帮助学生睇出噉做有咩益处。要提供一啲实用嘅建议，帮助学生安排好时间，准备资料。有啲传道员会喺讨论期间，俾学生用佢嘅课本讨论几段资料，使学生睇出预先划低重点嘅益处。学生预习后，要称赞佢哋准备资料所付出嘅努力

• 示范俾学生睇点样做准备。喺学习嘅初期，有啲传道员会用其中一次学习嘅时间，集中示范俾学生睇点样为学习做好准备