9:1-7
当耶稣改变形貌嗰阵，听到天父公开宣布佢系蒙悦纳嘅，想象吓，佢会几咁开心呢！毫无疑问，呢件事巩固咗耶稣嘅信心，使佢可以应付将要面临嘅考验。异象亦令彼得、雅各同约翰留下深刻嘅印象。佢哋深信耶稣就系弥赛亚，听从佢嘅话系正确嘅选择。大约32年后，彼得仍然记得呢个经历，佢话呢个异象令“所得嘅预言”更加可信。（彼后1:16-19）
虽然我哋冇亲眼睇见呢个异象，不过我哋都有份见证呢个异象所预言嘅事应验。耶稣已经掌权，成为大有能力嘅君王。好快佢就会“完全战胜”，为人类带嚟正义嘅新世界。（启6:2）
见到圣经嘅预言应验，点样强化你嘅信心呢？