改善传道技巧——熟练使用JW.ORG网站

点解咁重要：喺传道工具箱入面嘅出版物都提到jw.org。事实上，见证卡同《人生嘅重大问题，答案喺边度呢？》单张嘅主要用途，就系鼓励人上我哋嘅网站。通过发送电邮，或者分享链接，你就可以将jw.org入面传道工具箱嘅电子出版物分发俾人。如果你遇到讲外语嘅人，呢个方法就特别有用嘞。另外，传道对象可能会问及一啲问题，但系冇办法喺传道工具箱嘅资料揾到答案。如果我哋善用同熟练使用网站，就可以更有效噉作见证。

点样做：

• 

  使用“圣经与生活”栏目。假设你传道嘅时候遇到一对父母，佢哋想知多啲同教养仔女有关嘅资料，你可以点击圣经与生活>婚姻与家庭。

• 使用“出版物”栏目。假设你喺学校做非正式见证，你想分享《年轻人的10个问与答》册子俾同学，你可以点击出版物>书籍和册子。

• 使用“关于我们”栏目。假设你向同事作见证，佢想了解吓我哋嘅信仰，你可以点击关于我们>常见的问题。

请注意：如果广东话网站冇相关资料，请参看国语网站

睇完《熟练使用JW.ORG网站》呢个影片之后，谂吓喺以下场合可以点样善用网站：

• · 遇到无神论者

• · 遇到啱啱遭遇不幸嘅人

• · 遇到停止传道嘅弟兄姊妹

• · 遇到一个对我哋嘅经费来源感到好奇嘅续访

• · 遇到一个想喺自己国家参加聚会嘅外国人