改善传道技巧——展开对话，制造传道机会

由于耶稣主动向撒马利亚妇人展开对话，结果成功向佢作非正式见证。我哋可以点样改善传道技巧，更好噉向陌生人打开话题呢？

• 态度要友善，要主动同人攀谈。耶稣好攰嗰阵，佢简单问妇人攞啲水饮，噉就开始咗对话嘞。我哋亦一样，可能先同对方打招呼，倾吓天气或者新闻。要记得，最初嘅目标只系展开交流，所以要尽力讲及对方可能感兴趣嘅话题。如果对方冇咩反应，都唔使太介怀，努力揾其他人倾就得嘞。你亦需要求耶和华赐勇气俾你。（尼2:4；徒4:29）

• 随时留意作见证嘅机会，但系唔好太心急。所有对话都应该自然噉开展。如果你操之过急，对方可能会反感，终止交谈，噉就会得不偿失嘞。即使对话结束前，你都未能够带入圣经话题，都唔需要失望。如果你觉得好难将话题转到圣经嘅好消息，可以先练习吓点样同人倾计，唔需要以作见证为目标。［播放同讨论第一个影片］

• 通过表达你对真理嘅热爱，就可能会制造到作见证嘅机会，引起对方嘅好奇心，促使对方主动提问，探知更多细节。耶稣讲嘅话题引起咗妇人嘅兴趣，推使妇人提出问题。耶稣只需要回答佢嘅提问，就好自然将话题带入好消息。［播放同讨论第二个影片，然后播放同讨论第三个影片］