圣经嘅好消息系咪真系嚟自上帝？

1．边个系圣经嘅作者？

人类将会永远喺地上生活，呢个好消息记载喺圣经入面。（诗篇37:29）圣经由66卷书组成。上帝委派大约40个忠心嘅人执笔写圣经。头五卷书由摩西大约喺3500年前写成，而最后一卷就由约翰喺1900年前写成。圣经执笔者反映边个嘅谂法呢？上帝运用佢嘅动力，向执笔者传达信息。（撒母耳记下23:2）佢哋写低上帝嘅话而唔系自己嘅话。所以，耶和华上帝先至系圣经嘅作者。 请读提摩太后书3:16；彼得后书1:20,21

请观看短片《圣经的作者是谁？》

2．点样可以肯定圣经系嚟自上帝？

我哋知道圣经系嚟自上帝嘅，因为圣经嘅预言又详细又准确。从来冇人可以准确预告未来，只有全能嘅上帝先至可以做到。（约书亚记23:14） 请读以赛亚书42:9；46:10

嚟自上帝嘅书一定好独特，系咪呢？圣经就系一本噉样嘅书。圣经已经翻译成几百种语言，印咗亿万本。圣经虽然古老，但系内容就完全符合现代科学。圣经由大概40个人写成，但系内容由头到尾都互相呼应。a而且，圣经将上帝嘅爱清楚显示出嚟，有力量推动人喺生活上作出好嘅改变。所以好多人相信，圣经系嚟自上帝嘅。 请读帖撒罗尼迦前书2:13

请观看短片《圣经值得你相信吗？》

3．圣经系讲咩嘅呢？

圣经主要系讲一个好消息：上帝好爱我哋，佢希望我哋喺乐园里面生活。圣经话俾我哋知，人类嘅祖先点样失去喺乐园入面生活嘅福分，同埋将来地球会点样再一次成为乐园。 请读启示录21:4,5

圣经记低咗上帝嘅律法、原则同劝告，亦都记低以往上帝点样对待人类，等我哋了解佢，帮助我哋认识佢系个点样嘅神。圣经仲话俾我哋知可以点样同上帝做朋友。 请读诗篇19:7,11；雅各书2:23；4:8

4．有乜嘢方法可以帮助你明白圣经呢？

呢本册子可以帮助你明白圣经，用嘅方法同耶稣做嘅一样。耶稣引述经文，而且清楚解释经文嘅意思。 请读路加福音24:27,45

冇任何嘢比嚟自上帝嘅好消息更宝贵！不过，有啲人就对呢个信息漠不关心，有啲甚至觉得厌烦，但系唔好灰心，你能唔能够享有永生嘅福分，就取决于你会唔会继续努力认识上帝嘞。 请读约翰福音17:3