守望台线上书库
守望台
线上书库
中文简体(广东话)
  • 圣经
  • 出版物
  • 聚会
  • 《王国统治》 18章194-201页
  • 王国工作嘅经费来源

你选择的内容没有影片。

抱歉,加载影片时出现错误。

  • 王国工作嘅经费来源
  • 上帝嘅王国统治嘞!
  • 小标题
  • 相似资料
  • “凡甘心乐意嘅,都可以将奉献俾耶和华嘅礼物送上嚟”
  • “我哋绝对唔会向人乞求经费或者劝捐”
  • “每个人要照心里所决定嘅去做”
  • 点样收集捐款?
  • 捐款嘅用途
  • 这一切经费从何而来?
    耶和华见证人——上帝王国的宣扬者
  • 点解我哋要向拥有一切嘅上帝奉献?
    守望台宣扬耶和华的王国-2018年(研读版)
  • 耶和华怎样兴旺他的工作
    守望台宣扬耶和华的王国-1991年
  • 支持世界各地宣扬王国的工作
    组织起来遵行耶和华的旨意
查看更多
上帝嘅王国统治嘞!
《王国统治》 18章194-201页

第18章

王国工作嘅经费来源

本章概要

点解耶和华嘅子民喺经济上支持王国嘅工作?用乜嘢方式嚟支持?

1,2.(甲)有个牧师想知道圣经研究者嘅活动经费系点样嚟嘅。罗素弟兄点样回答佢呢?(乙)呢一章我哋会讨论乜嘢?

有一次,一个归正会嘅牧师行过嚟问查尔斯·罗素弟兄,圣经研究者嘅活动经费系点样嚟嘅。

罗素弟兄解释话:“我哋从来都唔向人募捐。”

牧师又问:“噉你哋嘅经费点嚟㗎?”

罗素回答话:“其实答案好简单,可能我讲你都唔会信。参加聚会嘅人唔会见到有人传个篮过嚟要佢哋捐款。但系,佢哋睇出呢一切都系需要经费嘅。佢哋心谂:‘聚会所系需要开支嘅……我可以点样捐啲钱嚟支持吓呢?’”

牧师难以置信噉望住罗素弟兄。

罗素继续话:“我同你讲嘅都系事实。佢哋真系问过我,‘我可以点样捐啲钱嚟支持呢啲活动呢?’当一个人得到上帝嘅赐福而有啲钱嗰时,佢好自然就会想捐助主嘅工作。”如果佢冇钱,点解我哋仲要逼佢捐钱呢?a

2 罗素弟兄讲嘅的确系“事实”。上帝嘅子民从古到今都通过自愿捐款嚟支持正确嘅崇拜。呢一章,我哋会睇吓圣经嘅一啲例子,同埋耶和华现代子民嘅历史。当我哋知道今日王国工作嘅经费系点样嚟嘅时候,每个人都可以问吓自己:“我可以点样表明自己支持上帝嘅王国呢?”

“凡甘心乐意嘅,都可以将奉献俾耶和华嘅礼物送上嚟”

3,4.(甲)喺捐献方面,耶和华对崇拜佢嘅人有点样嘅信心?(乙)以色列人点样表明自己支持圣幕嘅建造工程?

3 耶和华对真正崇拜佢嘅人有信心,知道佢哋只要有机会,就会好乐意通过自愿捐献嚟表明自己爱戴佢。我哋嚟睇吓古代以色列嘅两个例子。

4 以色列人离开埃及之后,耶和华指示佢哋要建造一个可以移动嘅圣幕,用嚟崇拜佢。要建造同布置呢个帐幕需要大量资财。耶和华吩咐摩西要俾以色列人机会支持呢个工程,佢通过摩西话:“凡甘心乐意嘅,都可以将奉献俾耶和华嘅礼物送上嚟”。(出埃及记35:5)冇几耐之前,以色列人仲喺埃及嘅时候,俾人用苛刻嘅手段逼佢哋服“各种各样嘅劳役”。噉而家佢哋对摩西嘅呼吁有乜嘢反应呢?(出埃及记1:14)佢哋全力支持呢项工程,自愿献上金银同其他贵重物品。呢啲财物好可能大部分都系从奴役过佢哋嘅埃及人手中得嚟嘅。(出埃及记12:35,36)以色列人捐献嘅比工程所需嘅多出好多,摩西甚至要阻止民众,使“民众唔再送上礼物”。(出埃及记36:4-7)

5.当大卫使以色列人有机会为圣殿嘅建造工程作出捐献嘅时候,佢哋点样回应?

5 475年之后,大卫捐出自己“私人积蓄嘅金银财宝”作为建造圣殿嘅经费。呢座圣殿系地上第一个固定嘅正确崇拜中心。后来,大卫使佢嘅同胞都有机会作出捐献,佢问以色列人:“今日有边个甘心乐意奉献礼物俾耶和华呢?”民众纷纷响应,“全心自愿奉献俾耶和华”。(历代志上29:3-9)大卫知道所有财物其实都系嚟自耶和华嘅,佢向耶和华祷告话:“万物都从你而嚟,我哋只系将从你手上得到嘅献俾你啫。”(历代志上29:14)

6.今日,点解上帝王国嘅工作需要经费?呢个引起乜嘢值得思考嘅问题?

6 摩西同大卫都唔使强迫以色列人捐献。以色列人系怀住乐意嘅心作出捐献嘅。今日又点呢?我哋清楚知道上帝王国嘅工作系需要经费嘅。出版同运送圣经以及圣经书刊,兴建同保养聚会嘅地方以及分部设施,同埋向受灾嘅信徒同工提供紧急救援,呢一切都需要庞大嘅费用。所以,呢个引起一啲值得我哋思考嘅问题:呢啲必需嘅经费系点样嚟嘅?跟从君王耶稣嘅人系咪需要受到再三敦促,先至会捐献呢?

“我哋绝对唔会向人乞求经费或者劝捐”

7,8.点解耶和华嘅子民唔会乞求经费或者劝捐?

7 罗素弟兄同佢嘅同工拒绝用一般基督教会惯用嘅方法嚟筹款。《守望台》第二期(英语)有一篇题目叫做《你想唔想要〈锡安嘅守望台〉?》嘅文章。喺呢篇文章里面,罗素话:“我哋相信《锡安嘅守望台》有耶和华做后盾,所以,我哋绝对唔会向人乞求经费或者劝捐。耶和华话所有金银都属于佢。如果佢唔再提供必要嘅经费,噉我哋就知道系时候要停刊嘞。”(哈该书2:7-9)而家已经超过130年嘞,《守望台》同出版呢本杂志嘅组织依然蓬勃发展!

8 耶和华嘅子民唔会向人乞求经费。佢哋唔会传递捐款盘或者向人寄信筹款,亦都唔会通过义卖、抽奖游戏或者类似嘅活动嚟筹款。佢哋一直按照《守望台》好多年前所讲嘅去做,就系“我哋从来都唔认为仿效一般教会以主嘅名义向人劝捐系适当嘅……我哋觉得以主嘅名义用各种方式乞求经费会羞辱主,唔会蒙佢悦纳,而且捐款人同捐款所成就嘅工作都唔会得到祝福。”b

“每个人要照心里所决定嘅去做”

9,10.我哋自愿捐献嘅其中一个理由系乜嘢?

9 身为上帝王国嘅子民,我哋唔需要有人逼先至捐款。相反,我哋好乐意用自己嘅金钱同其他资财嚟支持王国嘅工作。点解我哋会甘心乐意捐款呢?请睇吓以下三个理由。

10 首先,我哋自愿捐献系因为爱耶和华,想做“佢眼中喜悦嘅事”。(约翰一书3:22)耶和华确实悦纳嗰啲甘心乐意捐献嘅人。关于捐献,我哋一齐睇吓使徒保罗点样讲。(请读哥林多后书9:7)真基督徒唔应该勉强自己或者出于被迫而捐献。相反,佢作出捐献应该系照“心里所决定嘅去做”。c即系话,佢知道有捐献嘅需要以及自己可以点样帮忙之后,就采取行动作出捐献。耶和华悦纳噉样做嘅人,圣经话:“上帝喜爱捐得快乐嘅人。”另一个译本话:“上帝爱嗰啲乐意捐献嘅人。”

两个小男孩将钱放入捐款箱

喺莫桑比克,会众嘅小朋友都好钟意捐献

11.乜嘢推动我哋尽己所能,将自己最好嘅献俾耶和华?

11 第二,耶和华赐咗好多福分俾我哋,所以我哋好想通过物质捐献嚟感谢佢。一齐睇吓摩西律法嘅一条诫命,谂吓背后有乜嘢发人深省嘅原则。(请读申命记16:16,17)喺一年三次嘅节期,每个以色列男子都要“照耶和华……所赐嘅福”送上礼物。所以,佢哋喺庆祝节期之前,会细心谂谂,数算一下自己嘅福分,然后按自己嘅能力献上最好嘅礼物。同样,我哋细想耶和华所赐嘅种种福分,就会受到打动,好想将自己最好嘅献俾佢。我哋衷心献出自己嘅财物,可以反映出我哋有几咁感激耶和华赐俾我哋嘅福分。(哥林多后书8:12-15)

12,13.自愿捐献点样表明我哋爱君王耶稣基督呢?我哋应该捐几多呢?

12 第三,自愿捐献可以表明我哋爱君王耶稣基督。点解噉讲?请留意耶稣牺牲前嗰晚同门徒讲嘅话。(请读约翰福音14:23)佢话:“边个爱我,就会遵守我嘅话语”。耶稣嘅“话语”其中一个吩咐就系要将王国嘅好消息传遍普天下。(马太福音24:14;28:19,20)我哋遵守耶稣嘅“话语”,就会付出时间、精力同财物,尽己所能推广王国嘅传道工作。噉样做就表明我哋爱弥赛亚君王。

13 的确,作为上帝王国嘅忠贞子民,我哋好想通过捐献财物嚟表明自己全心支持上帝嘅王国。我哋应该捐几多呢?呢个系个人嘅决定。每个人都可以尽全力作出捐献。其实我哋好多同工喺物质上都唔系好富有。(马太福音19:23,24;雅各书2:5)不过值得安慰嘅系,哪怕少少嘅捐献,只要系出于乐意嘅心,耶和华同耶稣都会好珍视。(马可福音12:41-44)

点样收集捐款?

14.有好多年嘅时间,耶和华见证人分发杂志嗰时会点样做?

14 有好多年嘅时间,耶和华见证人分发圣经书刊嗰时都会向人收取捐款。见证人尽量将建议嘅额度保持到最低,等嗰啲家境唔系咁富裕嘅人都可以得到书刊。当然,如果住户睇嚟对书刊感兴趣但又冇钱捐款,传道员都会好乐意将资料留低俾佢哋。传道员好希望将书刊交到俾嗰啲感兴趣嘅人,使佢哋可以通过阅读而得益。

15,16.(甲)1990年,中央长老团作出乜嘢调整?(乙)我哋可以点样作出自愿捐献呢?(另见附栏“捐款会用喺边啲方面?”)

15 1990年,中央长老团开始调整分发书刊时建议捐款嘅方式。从嗰年开始,喺美国分发嘅所有书刊都唔再按照指定嘅捐款额嚟收取捐款。一封俾美国所有会众嘅信话:“传道员同感兴趣嘅住户都可以得到杂志同书刊。我哋唔需要提出或者建议佢哋作出指定额度嘅捐献先可以得到刊物。……如果任何人想通过捐款嚟支持我哋嘅教育工作都可以噉样做。但系,无论佢哋有冇捐款,都可以得到书刊。”呢个安排帮助人睇出,我哋嘅工作系出于自愿嘅,系属于宗教性质嘅,而且清楚表明“我哋唔会……贩卖上帝嘅话语”。(哥林多后书2:17)后来,全球各分部都按照呢个捐献安排去做。

16 我哋可以点样作出自愿捐献呢?喺耶和华见证人嘅王国聚会所入面,会有捐款箱放喺唔太显眼嘅地方。想捐献嘅人可以将款项放入捐款箱,或者直接捐俾耶和华见证人运用嘅其中一个法人。《守望台》每年都会刊登一篇文章解释可以点样作出捐献。

捐款嘅用途

17-19.请说明捐款点样用喺(甲)全球工作;(乙)全球王国聚会所建筑工程;(丙)本地会众开支。

17 全球工作 呢啲款项会用嚟推广全球传道工作,包括制作喺世界各地分发嘅书刊,建造同保养分部办事处以及伯特利宿舍,开办各种唔同嘅训练班。另外,呢啲款项仲会用嚟照顾特派传道员、探访会众嘅监督同埋特别先驱嘅基本生活需要。我哋嘅捐款亦都用嚟为受灾嘅信徒同工提供紧急救援。d

18 全球王国聚会所建筑工程 呢啲款项会用嚟帮助会众建造或改建王国聚会所。当收到嘅捐款越来越多,就会有更多资金可以资助其他有需要嘅会众。e

19 本地会众开支 呢啲款项会用嚟支付王国聚会所嘅日常开支同保养费用。长老可以提议将部分款项捐俾分部办事处,用嚟资助全球工作。佢哋会请会众表决,如果决议通过,就会将款项捐出。每个月,管理会众账目嘅弟兄都会准备好一份会计报告。呢份报告会向会众成员读出嚟。

20.你可以点样运用自己“宝贵嘅资产”尊崇耶和华?

20 当我哋谂到喺全球传讲王国好消息同帮助人成为基督徒呢件工作所涉及嘅一切,就会受到推动,用自己“宝贵嘅资产……尊崇耶和华”。(箴言3:9,10)宝贵嘅资产包括我哋嘅精力、才干同属灵嘅恩赐。我哋的确好想献出呢啲宝贵嘅资产,全力支持王国嘅工作。除此之外,宝贵嘅资产亦都包括我哋嘅财物。愿我哋喺捐献方面尽己所能,善用我哋嘅资财嚟荣耀耶和华上帝,表明我哋支持弥赛亚王国。

a 《守望台》1915年7月15日刊(英语)218-219页。

b 《守望台》1899年8月1日刊(英语)201页。

c 一位学者话,译做“决定”嘅希腊语词“有预先谂好嘅意思”。佢补充话:“可以随意捐献当然会好开心,但都要预先计划好,亦要有规律。”(哥林多前书16:2)

d 关于赈灾职务,详见第20章。

e 关于王国聚会所建筑工程,详见第19章。

请谂一谂上帝嘅王国对你有几真实

  • 喺以色列人捐助圣幕同圣殿嘅建造工程嘅事上,我哋学到乜嘢?

  • 今日,点解上帝嘅子民乐意用佢哋嘅金钱同其他资财嚟支持王国事务呢?

  • 你可以点样表明自己支持王国现今所成就嘅事?

捐款会用喺边啲方面?

所有捐款都只会用嚟支持王国事务

  1. 唔同类型嘅出版物

    出版物

    出版及发送印刷版同电子版嘅书刊

  2. 清洁用具同损耗品

    本地会众

    保养王国聚会所,支付会众日常开支同埋会众决议通过嘅款项f

  3. 一班志愿者喺一个建造紧嘅王国聚会所前面

    建造王国聚会所

    从1999年到2013年,喺资源有限嘅地区建造咗超过2万6849个王国聚会所

  4. 将救援物资送去灾区

    赈灾

    (见第20章“灾难发生时!” 图表)

  5. 两个姊妹喺度传道

    特别全时仆人

    提供基本生活所需,包括住所、食物同医疗费用

    • 探访会众嘅监督

    • 特别先驱

    • 特派传道员

    • 国际仆人同王国聚会所志愿建筑人员

    • 伯特利成员

  6. 一个建筑工地嘅挖土机

    分部同翻译事务处

  7. 一个大型体育馆

    大会

  8. 训练班嘅学生

    各种训练班

f 无论喺边度聚集崇拜上帝,耶和华见证人都有捐献嘅安排,但具体嘅安排可能会因地而异。

捐款方式

  • 一个人将钱放入捐款箱

    捐款箱

  • 一个男子通过jw.org网站直接捐款

    直接捐款

    (现金、支票或汇款,例如通过jw.org)

  • 一间屋同珠宝

    房地产同其他非现金捐献

  • 一个人喺份文件上签名

    信托协议、年金、养老金或保险

    中文简体(广东话)出版物 (1956-2025)
    登出
    登录
    • 中文简体(广东话)
    • 分享
    • 设置
    • Copyright © 2025 Watch Tower Bible and Tract Society of Pennsylvania
    • 使用条款
    • 隐私政策
    • 隐私设置
    • JW.ORG
    • 登录
    分享