基督徒嘅生活
我哋可以點樣熱心鑽研聖經呢？
你想唔想好似但以理一樣喺考驗下保持忠貞呢？但以理熱心鑽研上帝嘅話語，包括一啲深奧嘅預言。（但9:2）熱心鑽研聖經可以幫助你保持忠貞。點解噉講呢？鑽研聖經會增强你嘅信心，深信耶和華嘅應許一定會實現。（書23:14）你亦會增强對上帝嘅愛，推動你去做啱嘅事。（詩97:10）但係從何入手呢？你可以考慮吓以下嘅建議。
我應該研讀乜嘢資料呢？良好嘅研讀習慣包括為聚會做準備。如果你花啲時間，查吓每星期經文閲讀唔明嘅地方，噉造益就更大嘞。另外，有啲人會選擇研究聖經嘅預言，聖靈果實嘅各種特質，使徒保羅嘅傳道旅程，甚至係耶和華奇妙嘅創造。如果你諗起一個聖經問題，不妨記低佢，計劃下次研讀嘅時候研究一下。
我可以喺邊度揾資料呢？或者可以睇吓《挖掘屬靈寶藏嘅檢索工具》呢個影片有乜嘢建議。想試吓你對呢啲工具有幾熟悉，可以查吓但以理書第7章描述嘅“野獸”代表乜嘢。
我要撥出幾多時間去研讀呢？經常研讀係維持屬靈健康嘅要訣。一開始，研讀嘅時間可以短一啲，之後可以逐步加長。研讀上帝嘅話語就好似挖掘一啲隱藏嘅寶藏一樣，揾嘅寶藏越多，你就越想繼續挖掘落去！（箴2:3-6）你對上帝嘅話語會養成“切望嘅心”，研讀聖經嘅習慣亦會成為你生活嘅一部分。（彼前2:2）
但以理書第7章描述嘅“野獸”代表乜嘢呢？
額外問題：
下次研究乜嘢：
啟示錄13章所描述嘅野獸代表啲乜嘢呢？