佢哋聽從撒但，有乜嘢後果？

亞當同夏娃唔聽上帝嘅話，所以會衰老死亡。 創世記3:6,23

夏娃聽蛇嘅話，食咗嗰棵樹嘅果。之後，佢仲俾亞當食，亞當亦都食咗。

佢哋唔聽上帝嘅話，做咗呢件錯事，聖經話，噉就係罪。上帝將佢哋趕出伊甸園。

佢哋同啲仔女喺樂園外面生活得好艱難。亞當同夏娃慢慢衰老，最後死亡。佢哋死亡之後，唔係去咗其他地方，而係唔再存在。

死咗嘅人好似泥土一樣，完全冇生命。 創世記3:19

我哋都係亞當同夏娃嘅後代，所以我哋人人都會死。死咗嘅人咩都聽唔到，咩都睇唔到，咩都做唔到。（傳道書9:5,10）

人會死，根本唔係耶和華嘅原意。好快，耶和華就會復活死去嘅人。如果佢哋聽上帝嘅話，就可以永遠生活落去。