王國嘅標準——追求上帝嘅正義

你經過隔籬屋，同鄰居揮手打招呼。最近，你發覺呢個鄰居一直喺度留意你哋一家人。今次佢向你招手，叫你過去，然後同你講：“我可唔可以問你一個問題呀？點解你哋同其他人唔一樣嘅？”你答佢：“你嘅意思係……”佢就話：“你哋係耶和華見證人，係咪呢！你哋同其他人好唔同，同其他宗教團體都唔一樣。你哋唔慶祝節日，唔參政，唔當兵，又唔食煙。睇嚟，你同屋企人都有高尚嘅道德標準。耶和華見證人同其他人咁唔一樣，點解嘅？”

答案好簡單：我哋都接受上帝王國嘅統治，君王耶穌不斷熬煉我哋，幫助我哋跟住佢嘅腳步行，使我哋同目前嘅邪惡世界分别開嚟。呢一篇我哋會睇吓，君王點樣通過彌賽亞王國，喺屬靈、道德同組織方面熬煉上帝嘅子民，為耶和華增光。