大會資訊

招待 招待員好樂意提供協助。關於留位、泊車、疏導人群一類嘅事，請聽從招待員嘅指示，全力配合佢哋嘅工作。

浸禮 受浸者席喺講台正前方嘅座位區，或者其他指定地點。請打算受浸嘅人喺星期六上午浸禮演講開始前，到受浸者席就座，同時自備毛巾同埋端莊嘅受浸服裝。

捐款 為咗令大家好好享受大會、更親近耶和華，大會用咗好多經費提供足夠嘅座位、優質嘅影音設備同其他服務。你嘅捐款將會用嚟支付大會嘅開銷同支持全球嘅傳道工作。喺會場嘅唔同位置都放咗捐款箱，每個捐款箱都有清楚嘅標示。你亦都可以通過donate.jw.org喺線上捐款。無論捐幾多，都係好寶貴嘅。中央長老團非常感謝你慷慨支持上帝王國嘅工作。

急救 請注意，呢個部門只提供緊急護理。

失物認領 任何執到嘅失物都請交去失物認領部。如果你唔見咗嘢，請到呢個部門查詢。如果發現有小朋友走失，請帶佢哋到呢個部門。為咗減少呢種情況，請父母看管好自己嘅小朋友。

座位 請多為其他人著想。請注意，只可以為親屬，同你同車、同住嘅人或者聖經學生留座。如果唔係為咗留座，請唔好將物件放喺座位上面。

志願服務 如果你想支持大會嘅工作，請到詢問及志願服務部報名。

耶和華見證人中央長老團主辦