改善傳道技巧——建立續訪

點解建立續訪咁重要：好多對王國信息感興趣嘅人都尋求緊上帝嘅真理。（賽55:6）為咗按部就班噉幫助佢哋，我哋一定要繼續返去做續訪。感興趣嘅人可能面對緊唔同嘅難題，所以幫助佢哋培養屬靈興趣嘅方法，亦都因人而異。不過，如果我哋做足準備，每次探訪都有明確嘅目標，而最終目標係開始聖經討論，噉傳道工作就更加有效率嘞。

點樣建立續訪：

• 盡快喺幾日之内返去做續訪。（太13:19）

• 要友善，表現尊重。唔使太緊張

• 先有禮貌噉同對方打招呼。記得用對方嘅稱呼。話俾對方知點解你會返去探佢，譬如：係要解答一個問題、帶最新嘅雜誌俾佢、介紹JW網站、播放一段影片，或者示範聖經討論。如果佢對其他話題感興趣，就要靈活變通，調整話題嘞。（腓2:4）

• 如果想真理種子喺對方嘅心入面生長，就要淋水。方法就係運用聖經，解釋經文嘅意思，或者留低聖經書刊。（林前3:6）要盡力同對方建立友好嘅關係

• 為下一次續訪鋪路