喺安息日醫病

3:1-5

點解猶太宗教領袖嘅態度，令耶穌非常悲傷呢？因為佢哋為安息日增加咗好多繁文縟節，令安息日成為一種沉重嘅負擔。例如，佢哋禁止人喺安息日殺死跳蚤。另外，除非人危在旦夕，如果唔係，醫病都係違法嘅。即係話，如果你喺安息日扭傷，或者斷咗骨，都唔可以接受治療。好明顯，對嗰個手部萎縮嘅人嚟講，呢啲宗教領袖根本冇表現出真正嘅關心。