改善傳道技巧——展開對話，製造傳道機會

由於耶穌主動向撒馬利亞婦人展開對話，結果成功向佢作非正式見證。我哋可以點樣改善傳道技巧，更好噉向陌生人打開話題呢？

• 態度要友善，要主動同人攀談。耶穌好攰嗰陣，佢簡單問婦人攞啲水飲，噉就開始咗對話嘞。我哋亦一樣，可能先同對方打招呼，傾吓天氣或者新聞。要記得，最初嘅目標只係展開交流，所以要盡力講及對方可能感興趣嘅話題。如果對方冇咩反應，都唔使太介懷，努力揾其他人傾就得嘞。你亦需要求耶和華賜勇氣俾你。（尼2:4；徒4:29）

• 隨時留意作見證嘅機會，但係唔好太心急。所有對話都應該自然噉開展。如果你操之過急，對方可能會反感，終止交談，噉就會得不償失嘞。即使對話結束前，你都未能够帶入聖經話題，都唔需要失望。如果你覺得好難將話題轉到聖經嘅好消息，可以先練習吓點樣同人傾計，唔需要以作見證為目標。［播放同討論第一個影片］

• 通過表達你對真理嘅熱愛，就可能會製造到作見證嘅機會，引起對方嘅好奇心，促使對方主動提問，探知更多細節。耶穌講嘅話題引起咗婦人嘅興趣，推使婦人提出問題。耶穌只需要回答佢嘅提問，就好自然將話題帶入好消息。［播放同討論第二個影片，然後播放同討論第三個影片］