改善傳道技巧——幫助“秉性適宜得永生嘅人”成為基督徒

點解咁重要：耶和華會使真理嘅種子喺“秉性適宜得永生嘅人”心入面發芽生長。（徒13:48；林前3:7）傳道嗰陣，我哋會集中精力幫助嗰啲對真理有良好反應嘅人，噉樣就係同上帝並肩工作，做佢嘅同工。（林前9:26）我哋要幫助聖經學生明白受浸成為基督徒係得救嘅必要條件。（彼前3:21）通過教導學生，幫助佢哋喺生活上作出改變，訓練佢哋參與傳道教人嘅工作，以及獻身俾耶和華，噉佢哋就可以逐步成為基督嘅門徒。（太28:19,20）

點樣做：

• 提醒聖經學生，聖經課程嘅主要目的係幫助佢哋“認識”耶和華同埋取悦佢

• 幫助學生克服障礙，喺屬靈上進步，例如戒除壞習慣、避開有問題嘅交往

• 喺學生受浸前後都鼓勵佢哋，强化佢哋嘅信心（徒14:22）

睇完影片《耶和華上帝必定幫助你》之後，回答以下嘅問題：

• 一個人獻身受浸前可能要克服乜嘢恐懼呢？

• 長老可以點樣幫助聖經學生喺屬靈上進步？

• 以賽亞書41:10幫助我哋睇出耶和華係個點樣嘅上帝？

• 雖然我哋唔完美，但係乜嘢特質可以幫助我哋以耶和華悦納嘅方式事奉佢？