Jiobá cudii tobi ni gulá laanu

29 Primé binni de espíritu ni bizáʼ Dios beeda gaca casi baʼduʼ lugola stibe.

Nadxii xhaataʼ Dios laabe, ne bisaana lu nabe gundúxebe ca binni malu, ne gulabe cani nachaʼhuiʼ (Juan 3:16, 36).

30 Jiobá biseendabe Xiiñibe para beeda gale ndaaniʼ Guidxilayú riʼ. Biree labe Jesús. Jñaabe biree lá Mariá (Lucas 1:30-35).

31 Dxi maʼ biniisi Jesús bisiidibe stale guendanachaʼhuiʼ, ne bisiidibe Jiobá si nga Dios ni dxandíʼ dxandipeʼ (Marcos 12:29, 30).

Jesús guníʼ, Jiobá si nga caquiiñeʼ guni adorarnu (Mateo 4:10; Juan 4:23, 24).

Laaca guníʼnebe binni de reinu stiʼ Jiobá (Lucas 17:20, 21).

32 Jesús bisianda binni huará ne biʼniʼ stale guendanachaʼhuiʼ. Qué ñúnibe guendaquéiquiiñeʼ (Hechos 10:38; 1 Pedro 2:21, 22).

Yanna, ximodo zanda gulabe laanu de stóndanu ne de guendaguti.

33 Gúpabe xidé gudíxebe Dios para gulabe cani nachaʼhuiʼ. Dxiqué Dios gúdxibe binni guuticaʼ maniʼ para guiaxa stóndacaʼ (Hebreos 7:25, 27).

34 Jesús qué niguíxedibe ne maniʼ. Gudíxebe ne guendanabani stibe pur laanu (Mateo 20:28; Hebreos 10:12).

Nannuʼ xiñee la?