Ora guidxaagalunu guendanagana ni zeeda gaca casi bi yooxhoʼ

EVANGELIU stiʼ Marcos cuzeeteʼ ni bizaaca ca discípulo stiʼ Jesús dxi zecaʼ ndaaniʼ ti canuá para tiidicaʼ chericaʼ nisadóʼ stiʼ Galilea. Marcos na: «Nagana cayaca para laacabe chiné cabe canuá que purti cudxigueta bi laacabe». Nuu Jesús guriá nisa que ora biiyaʼ xi cazaaca ca discípulo stiʼ, óraque guzabe lu nisa que para ugaandabe laacaʼ. Ora gudxíʼbabe ndaaniʼ canuá que biaanadxí bi que (Marcos 6:48-51).

Marcos laaca guníʼ sti cosa ni bidxaagalúcabe ante guizaacacabe ni maʼ guninu ca, nabe: «Biete ti bi yooxho». «Oraque biasa [Jesús] gudinde né be bi yooxho que [...]. Ne biaana dxí bi que ne ma qué ñasa ru ola.» (Marcos 4:37-39.)

Nécapeʼ yanna maʼ qué zanda guidúʼyanu ca milagru ni biʼniʼ Jesús que, peru zanda guizíʼdinu de laacani. Cumu gulenenu donda ne nabáninu lu ca dxi jma nagana riʼ la? laaca racananu pur ca guendanagana nuu yanna (2 Timoteo 3:1-5). Dede zándaca guidxaagalunu guendanagana ni guniná laanu stale ni zeeda gaca casi ti bi yooxhoʼ. Peru cadi laasinu nuunu. Jesús cayabi laanu ca diidxaʼ riʼ: «Latáʼ ra nuaa irá ni ma bidxaga de cuyubi modo guía ladxidóʼ [...]. Latáʼ ra nuaaʼ, zaziilaʼdxi ladxidóʼ to» (Mateo 11:28).

Neca nabé naroʼbaʼ ca guendanagana ni gápanu zanda gatadxí ladxidoʼno. Ximodo yaʼ. Ra guni crenu zuni Jiobá guiráʼ ni maʼ bizabiruaa (zanda gúʼndaluʼ Isaías 55:9-11; Filipenses 4:5-7).