Índice

Ejemplu ni jma naroʼbaʼ ni nápanu de tuuxa ni rucueeza laca laa nga Jiobá. ¿Ximodo zanda chinándanu ejemplu stibe yaʼ? Biiyaʼ lu tema riʼ xi zanda gúninu para jma gucueezanu laca laanu.

¿Ximodo nga naquiiñeʼ guianu binni yaʼ? Jiobá ne Jesús nga cani jma rusihuinni guendariaʼ ne perfectu ejemplu stícabe. ¿Ximodo zanda chinándanu ejemplu stícabe yaʼ? ¿Ne xi ca cosa galán zabeendunu pa gúninu ni?

¿Xiñee nabé risaca dxiiñaʼ ni cayaca de gaca traducir Biblia lu jma idioma? ¿Xi zanda gúninu para gusihuínninu rudiʼnu xquíxepeʼ pur nápanu Biblia ca lu ti idioma ni riénenu yaʼ? Zacané ca tema riʼ laanu para jma gudiʼnu xquíxepeʼ pur nápanu Biblia ne jma gannaxhiinu ni guníʼ xi guicá luni.

Nabé risaca para ca xpinni Cristu gácacaʼ nadxibalú. ¿Xi rizíʼdinu de ejemplu stiʼ ca xpinni Dios de dxiqué ni gúcacaʼ nadxibalú? ¿Ximodo zanda gusihuinni ca joven, cani napa xiiñiʼ, ca hermana ni maʼ huaniisi ne ca hombre ni maʼ guyuunisa nácacaʼ nadxibalú ne nuucaʼ listu para gúnicaʼ ni naguixhe íquecaʼ yaʼ?