Cani chiguietenaláʼdxinu stiʼ Scuela stiʼ cani Rucheeche Diidxaʼ
Ca guendarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 30 stiʼ agosto 2004. Binnigola ni rutiidiʼ scuela ca zaquiiñebe treinta minutu para guietenalaʼdxinebe cani cucaadiaga ni biuundaʼ lu ca libana ni gudiʼdiʼ semana 5 stiʼ julio dede 30 stiʼ agosto 2004. [Laguuyaʼ: Pa cadi cá paraa guyúbitu cani canabadiidxaʼ ni ca la? naquiiñeʼ cada tobi guyubi ne guʼnda ti guidxela xi icabi (biindaʼ ca yaza 36, 37 stiʼ Benefíciese).]
MODO GUINIʼLUʼ JNÉZAPEʼ
1. Ximodo zanda usiénenu «ne diidxa nadóʼ ne respetu» cani racalaʼdxiʼ ganna xi runi crenu. (1 Ped. 3:15.) [be-S yaza 192 § 2-4.]
2. Xiñee ndiʼ riquiiñeʼ usihuínninu de que nuunu seguru de ni rininu. (Rom. 8:38, 39; 1 Tes. 1:5; 1 Ped. 5:12.) [be-S yaza 194.]
3. Ximodo rihuinni de que dxandíʼ runi crenu ni rininu. [be-S yaza 195 § 3–yaza 196 § 4.]
4. Xii nga tacto, xiñee riquiiñeʼ ni, ne ximodo zanda gápanu guenda riʼ peru zaqueca chuʼnu dxiichi lu ni caninu. (Rom. 12:18.) [be-S yaza 197.]
5. Pa racaláʼdxinu ininu sin guninanu binni, xi zinenu lu xquendabiaaninu ante iníʼnenu laacaʼ. (Pro. 25:11; Juan 16:12.) [be-S yaza 199.]
PRIMÉ LIBANA
6. Ximodo zanda usihuinni modo rininu diidxaʼ ne modo rúʼndanu Biblia pabiáʼ caniisinu lu Stiidxaʼ Dios. [be-S yaza 74 § 3–yaza 75 § 2.]
7. Xii nga riníʼ gúninu «ni iree ndu laga zanda», ne ximodo zanda gúninu ni yaʼ. (Efe. 5:16.) [w02-S 15/11 yaza 23.]
8. Ximodo rusiene Biblia de que guiráʼ binni tobi si laacaʼ nezalú Dios, ne ra gánnanu ni, xi zúninu ora gucheechenu diidxaʼ. [w02-S 1/1 yaza 5, 7.]
9. Xi riníʼ lá Jiobá, Dios ni Bizáʼ laanu riʼ. [w02-S 15/1 yaza 5.]
10. Xiñee nabé risaca ni bisigaʼdeʼ Abel que, ne xi rizíʼdinu de ni rusigáʼdenu Dios ora usisácanu laa. (Heb. 11:4; 13:15.) [w02-S 15/1 yaza 21 § 6-8.]
BIAʼ RA BIUUNDAʼ BIBLIA TI SEMANA
11. Ximodo racané Levítico 18:3 laanu para cadi icahui xquendabiaaninu ne cadi gánnanu xii nga jneza ne ni cadi jneza. (Efe. 4:17-19.) [w02-S 1/2 yaza 29.]
12. Lu saa stiʼ ca Semana (Pentecostés) ni guca dxiqué, xi riníʼ «guiropaʼ pan» ni bidii xaíque ni ruzaaquiʼ guʼxhuʼ que casi «ofrenda ni riniibi» (ofrenda mecida) ca dxi stinu riʼ. (Lev. 23:15-17.) [w98-S 1/3 yaza 13 § 21.]
13. Xi riníʼ de que zatende xcoʼreʼ ti gunaa ni igaa chuʼné stobi ni cadi xheelaʼ casi caníʼ Números capítulo 5. (Núm. 5:27.) [w84-S 15/4 yaza 29.]
14. Xiñee guníʼ Míriam ne Arón mal de Moisés pur bichaganáʼ ti gunaa cusita yaʼ. (Núm. 2:1.)
15. Xii nga «libru de Guendaridinde stiʼ Jiobá». (Núm. 21:14.)