Bíchidu ne bizánadu, cani rucheeche stiidxaʼ Reinu:

Maʼ biluxe bizuhuaa máquina cubi Lithoman ca ra riaʼ ca rebista ca Betel stiʼ Méjicu, ne máquina riʼ rúnini 90.000 rebista lu ti hora. Cumu dxiiñapeʼ stini nga gúnini rebista la? bizulú bíʼnini dxiiñaʼ 24 stiʼ mayo 2004 ne primé rebista bíʼnini nga La Atalaya 1 stiʼ agosto 2004, ne laaca zúnini libru. Ca bíchinu ne bizánanu ni nuu Betel la? maʼ yeguuyacabe modo rúnini dxiiñaʼ. Laatu ora chigánnatu Betel laaca ziuláʼdxitu gúʼyatu ora maʼ cayúnini dxiiñaʼ.

Ne laaca cayábidu laatu de que maʼ bizulú idapa clase stiʼ Scuela stiʼ ca Binnigola ni Riganna ca Binni Ridagulisaa (Escuela para Superintendentes Viajantes) ca Betel. Cada clase ca rindaa ni chupa beeu ne riuu 47 ni caziidiʼ ne chupa ni rusiidiʼ. Ca bíchinu riʼ, cásica cani nuu Betel la? laaca ridíʼdicabe ora riuundaʼ textu siadóʼ. Laaca rúnicabe dxiiñaʼ biaʼ ti hora iráʼ dxi. Xheelacabe laaca racanecaʼ lu caadxi dxiiñaʼ ni raca Betel, ca bizánanu riʼ rucheechecabe diidxaʼ ca dxi maca nexheʼ ireecabe ne rinécabe xheelacabe ca endaridagulisaa ra raca caber laacabe chécabe. Irácabe huadiicabe xquíxepeʼ pur clase ni rápacabe ca ne pur ca dxi riuucabe Betel.

Ne últimu ni nuudu gábidu laatu nga, ca dxi Bietenaláʼdxinu Guendaguti stiʼ Jesús que la? nabé bicheechenu diidxaʼ ne stale gana. Uyuu 41.175 precursor ausiliar beeu abril, ne iza riʼ jma stale tu uyé ra Bietenaláʼdxinu Guendaguti stiʼ Jesús, uyé 1.753.645 binni.

Racaláʼdxidu cadi usaanadu de guninedu laatu xhiiñaʼ Señor biaʼ gándatiʼ iza stiʼ dxiiñaʼ 2005 (1 Cor. 15:58).

Ca bíʼchitu,

Betel stiʼ Méjicu