Cani chiguietenaláʼdxinu stiʼ Scuela stiʼ cani Rucheeche Diidxaʼ
Ca endarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 28 stiʼ febrero 2005. Binnigola ni rutiidiʼ scuela ca zaquiiñebe treinta minutu para guietenalaʼdxinebe cani cucaadiaga ni biuundaʼ lu ca libana ni gudiʼdiʼ semana 3 stiʼ enero dede 28 stiʼ febrero 2005. [Laguuyaʼ: Pa cadi cá paraa guyúbitu cani canabadiidxaʼ ni ca la? naquiiñeʼ cada tobi guyubi ne guʼndaʼ ti idxela xi icabi (biindaʼ ca yaza 36, 37 stiʼ Benefíciese).]
MODO INIʼLUʼ JNÉZAPEʼ
1. Xi zanda gúninu ti guiene chaahuicabe laanu ora rusíʼdinu. [be-S yaza 226 § 1-yaza 227 § 2.]
2. Unáʼ ndiʼ ca diidxaʼ ni jma riquiiñeʼ usiénenu. [be-S yaza 227 § 3-yaza 228 § 2.]
3. Xi zanda gúninu ti ora udiʼnu ti libana acaneni cani cucaadiaga laanu iziidicaʼ jma. [be-S yaza 231 § 1-3.]
4. Xi zanda gúninu ti iziidiʼ cani cucaadiaga laanu xiixa ora gúʼndanu ti textu ni maca runibiáʼcabe. [be-S yaza 231 § 4, 5.]
5. Xi zaca pa uguʼnu gana cani cucaadiaga ca icá íquecaʼ gánnacaʼ iráʼ ni zeeda lu ti historia stiʼ Biblia ni maʼ runibiáʼcabe yaʼ. [be-S yaza 232 § 2-4.]
PRIMÉ LIBANA
6. Ximodo zanda usíʼdinu binni guni ni na ca diidxaʼ riʼ: «Bidxibi Dios ni dxandíʼ dxandipeʼ ne biʼniʼ guiráʼ ni runi mandarbe». (Ecl. 12:13.) [be-S yaza 272 § 3-yaza 273 § 1.]
7. Ximodo zanda usisácanu modo naca Jiobá ora rusíʼdinu, ne cadi lásibe. (Joel 2:32.) [be-S yaza 274 § 3-5.]
8. Ñee risácapeʼ nga gunibiaʼnu Jesús ne usíʼdinu de laabe la? (Juan 17:3.) [be-S yaza 275, subtít. § 4.]
9. Riquiiñeʼ guiénenu ximodo nga racané Jesús laanu para ganda chuʼnu galán ne Dios ne ganda guiene chaahuinu Biblia. Xiñee yaʼ. [be-S yaza 276 § 1.]
10. Ximodo rusihuínninu de que dxandíʼ runi crenu naca Jesucristu Rey. [be-S yaza 277 § 4.]
BIAʼ RA BIUUNDAʼ BIBLIA TI SEMANA
11. Ñee biʼniʼ adorar Taré, bixhoze Abrahán bidóʼ la? (Jos. 24:2.)
12. Ñee biaadxaʼ ñaca Gedeón binni nadxibalú para ñuni ni biʼniʼ mandar Jiobá laa guni la? Uníʼ xiñee cacábiluʼ zacá (Jue. 6:25-27).
13. Xi rizíʼdinu de modo uniʼné Gedeón tribu stiʼ Efraín. (Jue. 8:1-3.)
14. Xi bisihuinni ca binni de Guibeah ra qué nidxagalúcabe binni galán (Jue. 19:14, 15.)
15. «Ni ruuyacabe jneza para laacabe ngue nga ni runi cada tobi de laacabe.» (Jue. 21:25.) Ñee qué nucaa nga laacabe ñúnicabe iráʼ ni ñápacabe gana la?