Cani chiguieeteʼ
◼ Cani zanda usaanatu marzo: ¡Manténgase alerta! Pa ni cucaadiaga ca uluíʼ dxandíʼ riulaʼdxiʼ iziidiʼ jma la? zanda usaananeluʼ laabe libru Conocimiento ne biʼniʼ stipa pur uzulú gúʼndaneluʼ laabe Biblia. Abril ne mayo: La Atalaya ne ¡Despertad! Ora ibiguétatu ralidxi tuuxa ni riulaʼdxiʼ gunadiaga, casi cani guyé ra bietenaláʼdxinu guendaguti stiʼ Jesús o ra huayúnitu sti endaridagulisaa, peru qué ridxaagapécabe xquidxi Jiobá la? zanda usaananetu laacabe libru Adoremos a Dios. Naquiiñeʼ gúnitu stipa para uzulú gúʼndanetu laacabe de Biblia, jmaruʼ si pa maʼ biindacabe libru Conocimiento ne folletu Xi canabaʼ Dios lii guʼnuʼ. Junio: Aprendamos del Gran Maestro. Pa binni ni caníʼneluʼ ca qué gapa xiiñiʼ la? zanda usaananeluʼ laabe folletu Xi canabaʼ Dios lii guʼnuʼ, ne biʼniʼ stipa pur uzulú gúʼndaneluʼ laabe de Biblia.
◼ Casi guedandá ca revista La Atalaya ne ¡Despertad! ni jma nacubi ra nuu ca binni ridagulisaa la? naquiiñeʼ udiicabe cani nagueendaca. Zacá la? cani rucheeche diidxaʼ zánnacaʼ xi na cani ante usaanané cani binni ora ireecabe lu guidxi. Laaca zacaca laguni ora icaatu Xhiiñaʼ Reinu Ni Rúninu, laquiiziʼ cani nagueendaca ra ridagulisaa Grupuhuiiniʼ ni Ruundaʼ Libru stiʼ ca Binni Ridagulisaa.
◼ Ora tiica chetu sti guidxi ne racaláʼdxitu chetu ra nuu ti neza binni ridagulisaa o ti guendaridagulisaa roʼ de chupa o de chonna gubidxa la? naquiiñeʼ inabadiidxatu Betel ni runi tender guidxi ca padxí ne paneza chigaca cani. Lu últimu yaza stiʼ Anuario stiʼ iza riʼ zeeda paneza nuu iráʼ Betel.
◼ Ca secretariu ca riquiiñeʼ gápacabe stale de ca guiʼchiʼ riʼ: Solicitud para el servicio de precursor regular (S-205-S) ne Solicitud para el servicio de precursor auxiliar (S-205b-S) biaʼ iquiiñecabe lu ti iza. Ca guiʼchiʼ riʼ zanda inábacabe cani ne Solicitud de literatura (S-14-S).
◼ Iza riʼ zietenaláʼdxinu guendaguti stiʼ Jesús Jueves 24 stiʼ marzo 2005. Pa ca binni ridagulisaa ca zápacaʼ endaridagulisaa Jueves ca la? naquiiñeʼ uchaacabe ni sti dxi ora maʼ gastiʼ gaca ndaaniʼ yoo sti Reinu. Pa málasi qué zanda gápatu Guendaridagulisaa stiʼ Dxiiñaʼ Stinu la? zanda utiiditu cani jma si naquiiñeʼ guieeteʼ ni zacané ca binni ridagulisaa lu sti Guendaridagulisaa stiʼ Dxiiñaʼ stinu ni gaca.
◼ Nuu caadxi de cani rucheeche diidxaʼ huaniʼcaʼ Betel pur teléfono ne canabadiidxacabe pa ca diidxaʼ riuundaʼ nacubi ni napa caadxi bíchinu ne bizánanu ca biree cani ne stiidxaʼ Betel. Maʼ gúnnadu de laacani ne racaláʼdxidu gábidu laatu cadi ne diʼ stiidxadu biree cani. Nga runi pa nápatu cani la? cadi udiitu cani stobi ne cadi indetetu cani lu Internet. Ribézadu maʼ biziénedu ni canabadiidxatu.
◼ Ca grupu de gande o jma binni ni nuu chiganna Betel stiʼ Méjicu la? naquiiñeʼ ucaacabe raqué ante chécabe. Laguuyaʼ chaahuiʼ pa zanda sáʼ xacárrutu lu carretera dxi chetu ca, pur ni rábicabe «hoy no circula» ni nuu neza mayaca chuʼ binni ndaaniʼ guidxi Méjicu ne ndaanipeʼ guidxi ca. Ante chetu la? laguundaʼ «Sección de preguntas» stiʼ Nuestro Ministerio del Reino junio 2002, ni caníʼ ximodo nga guzuchaahuitu ora chigánnatu Betel. Pa ti grupu chiganna Betel stiʼ Estados Unidos la? naquiiñeʼ gúʼndacabe Nuestro Ministerio del Reino stiʼ marzo 2002.
◼ Scuela stiʼ ca precursor Regular. Racaláʼdxidu gábidu laatu de que iza riʼ la? zaca invitar ca precursor regular ne ca especial para checaʼ Scuela stiʼ ca Precursor «Escuela del Servicio de Precursor» sti biaje. Zié cani usaa 19 iza de precursor 1 stiʼ septiembre 2005 o ca precursor regular ne especial ni qué huayecaʼ scuela ca ne libru ni maʼ ucachaahuiʼ. Laaca zanda cheʼ ti precursor ni ruganda cheʼ xheelaʼ scuela ca peru pa bizulúbe de precursor 1 stiʼ septiembre 2004 o ante. Zié iráʼ precursor. Pa nuu tu laa bisaana de aca precursor ne yanna maʼ bizulú ni stiʼ biaje la? naquiiñeʼ gánnabe laaca zagabaʼ iráʼ ca iza ni maca úcabe precursor.