Cani chiguietenaláʼdxinu stiʼ Scuela stiʼ cani Rucheeche Diidxaʼ
Ca endarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 27 stiʼ junio 2005. Binnigola ni rutiidiʼ scuela ca zaquiiñebe treinta minutu para guietenaláʼdxinebe cani cucaadiaga ni biuundaʼ lu ca libana ni udiʼdiʼ semana 2 stiʼ mayo dede 27 stiʼ junio 2005. [Laguuyaʼ: Pa cadi cá paraa uyúbitu cani canabadiidxaʼ ni ca la? naquiiñeʼ cada tobi uyubi ne guʼndaʼ ti idxela xi icabi (biindaʼ ca yaza 36, 37 stiʼ Benefíciese).]
MODO INIʼLUʼ JNÉZAPEʼ
1. Xiñee jma nagueenda riziidiʼ binni ora uchaaganu ni cusíʼdinu laacabe ne xiixa ni maca runibiáʼcabe. (Gén. 22:17; Sal. 1:3; Sant. 3:6.) [be-S yaza 240 § 2-4 ne cuadru.]
2. Paraa zanda idxélanu ejemplu ni usiidiʼ laanu xiixa ni ganda iquiiñenu, ne xi cuidadu naquiiñeʼ gápanu. [be-S yaza 242 § 1, 2.]
3. Ora uyúbinu ejemplu ni iquiiñenu, xi naquiiñeʼ iníʼ íquenu para guiene chaahuicabe ni yaʼ. [be-S yaza 244 § 1, 2.]
4. Xiñee galán iquiiñenu xiixa ni zanda guʼyaʼ binni ora usíʼdinu laa, ne xi ejemplu udixhe Jiobá. [be-S yaza. 247 § 1, 2 ne cuadru.]
5. Ximodo zanda iquiiñenu xiixa ni ruuyaʼ binni ora maʼ ziucheechenu diidxaʼ. [be-S yaza 248 § 1–yaza 249 § 2.]
PRIMÉ LIBANA
6. Xi conseju zeeda lu Biblia ni caníʼ modo usiniisi binni xiiñiʼ. [w03-S 15/3 yaza 12 § 2; yaza 14 § 4.]
7. Ximodo bisihuinni Jiobá de que bizaaláʼdxibe David, ne ximodo bisihuinni David de que bizaaláʼdxibe Jiobá. [w03-S 15/4 yaza 29 § 3; yaza 30 § 3.]
8. Xiñee uyuulaʼdxiʼ Jiobá ni bisigaʼdeʼ Abel laa, ne xi rusiidiʼ nga laanu. (Gén. 4:4.) [w03-S 1/5 yaza 28 § 4–yaza 29 § 1.]
9. Xii nga «guendarulidxi stiʼ Jiobá» ni ruzeeteʼ Proverbios 3:11 ni cadi naquiiñeʼ udxii déchenu. [w03-S 1/10 yaza 20 § 2-4.]
10. Xi riníʼ ca diidxaʼ guiechenenu biaʼ nápasinu ni zeeda lu 1 Timoteo 6:6-8. [w03-S 1/6 yaza 9 § 1, 2; yaza 10 § 1.]
BIAʼ RA BIUUNDAʼ BIBLIA TI SEMANA
11. Xi bisihuinni endarannaxhii ni gupa Jonatán ne David. (2 Sam. 1:26.) [w89-S 1/1 yaza 26 § 13.]
12. Xi rizíʼdinu pur ni uca primé biaje ucalaʼdxiʼ David niné guiña stiʼ pactu que Jerusalén. (2 Sam. 6:2-9.)
13. Xiñee guti xiiñiʼ David ne Bat-seba pur bicheecaʼ pa lu Deuteronomio 24:16 ne Ezequiel 18:20 na qué zanda diʼ gati ti baʼduhuiiniʼ pur donda stiʼ bixhoze yaʼ. (2 Sam. 12:14; 22:31.)
14. Ximodo nánnanu cadi dxandíʼ ni uníʼ Zibá de Mefibóset. (2 Sam. 16:1-4.)
15. Xi rizíʼdinu pur ni biʼniʼ Mefibóset despué de gúnnabe cadi dxandíʼ ni uníʼ Zibá de laabe. (2 Sam. 19:24-30.)