Cani chiguietenaláʼdxinu Stiʼ scuela stiʼ Cani Rucheeche diidxaʼ
Ca endarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 31 stiʼ octubre 2005. Binnigola ni rutiidiʼ scuela ca zaquiiñebe treinta minutu para guietenaláʼdxinebe cani cucaadiaga ni biuundaʼ lu ca libana ni udiʼdiʼ semana 5 stiʼ septiembre dede 31 stiʼ octubre 2005. [Laguuyaʼ: Pa cadi cá paraa uyúbitu cani canabadiidxaʼ ni la? naquiiñeʼ cada tobi uyubi ne guʼndaʼ ti idxela xi icabi (biindaʼ ca yaza 36, 37 stiʼ Benefíciese).]
MODO INIʼLUʼ JNÉZAPEʼ
1. Ximodo zanda usíʼdinu Stiidxaʼ Dios ti chindani ndaaniʼ ladxidóʼ binni (Mat. 13:19). [be-S yaza 258 § 1, 2 ne cuadru].
2. Ximodo zanda gánnanu ni nuu ndaaniʼ ladxidóʼ ni caziidiʼ ca, peru xi qué riquiiñeʼ gúninu [be-S yaza 259 § 1, 2].
3. Xiñee riquiiñepeʼ nga usihuínninu ca guenda sicarú napa Jiobá ora maʼ cusíʼdinu [be-S yaza 260 § 1].
4. Ximodo zanda acanenu cani cusíʼdinu de lu Biblia gánnacaʼ xi naquiiñeʼ gúnicaʼ para chuʼcaʼ jma galán ne Dios [be-S yaza 260 § 4–yaza 261 § 1].
5. Xi zanda gúninu para acanenu cani cusíʼdinu de lu Biblia ne cani rucaadiaga laanu para iníʼ íquecaʼ pa jneza nga ni chigúnicaʼ [be-S yaza 262 § 2, 3].
PRIMÉ LIBANA
6. Xi riníʼ ca diidxaʼ uyúbinu Jiobá de idubi ladxidoʼno, ne ximodo zanda usihuínninu cayúninu ni (Heb. 11:6). [w03-S 15/8 yaza 25 § 2; yaza 26 § 1, 2; yaza 27 § 2].
7. Xii nga ni dxandíʼ bisiidiʼ Cristu, ne ximodo rusihuinni ca binnigola cayúnicaʼ ni (2 Tim. 1:13, 14). [w03-S 1/1 yaza 29 § 2–yaza 30 § 1].
8. Xi rusihuinni zeeda ca libru stiʼ Biblia de Dios [si-S yaza 299 § 5, 6].
9. Xiñee nabé risaca ca guiʼchiʼ bicaa ti hombre láʼ Muratori chupa gayuaa iza despué de Cristu, ni rusihuinni dxandíʼ nga cani ucuá ndaaniʼ Biblia lu diidxaʼ Griegu [si-S yaza 302 § 19].
10. Ximodo nánnanu riquiiñeʼ ibiʼxhiʼ Biblia lu sti diidxaʼ ne xi rihuinni pur iráʼ dxiiñaʼ ni huayaca ne ca Biblia ni ucuá primé que [si-S yaza 307 § 9].
BIAʼ RA BIUUNDAʼ BIBLIA TI SEMANA
11. Riquiiñeʼ guni adorarnu ca bidóʼ ca pur ni riníʼ 2 Reyes 13:21 la?
12. Bidaaguʼ Ezequiás guidxi Egipto la? (2 Rey. 18:19-21, 25.)
13. Neca lu ca historia stiʼ ca asiriu qué rieeteʼ ra biniti Senaquerib, xiñee risaca ca historia riʼ yaʼ (2 Rey. 19:35, 36).
14. Tuu nga bixhoze Sealtiel (1 Cró. 3:16-18).
15. Ca dxi biʼniʼ mandar Saúl, xi ejemplu galán ndiʼ ulaʼquiʼ ca rubenita, ca gadita ne galaa tribu stiʼ Manasés para ca xpinni Dios ni nabani ca dxi stinu riʼ yaʼ (1 Cró. 5:18-22).