Cani chiguieeteʼ
◼ Cani zanda gusaananu beeu septiembre: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni Biblia primé ca biaje chigánnatu laacabe. Laguibiguetaʼ ra nuu ca binni biaanané libru ca para guzulú gúʼndanetu laacabe Biblia. Octubre: La Atalaya ne ¡Despertad! Pa binni ca gusihuinni riuulaʼdxiʼ guiziidiʼ la? zanda gusaananenu laabe folletu ¡Manténgase alerta! ne guyúbinu ximodo gacanenu binni chulaʼdxiʼ guiziidiʼ jma de ni rusiidiʼ Biblia. Noviembre: Guizíʼdinu de Maestru Ni Jma Nanna Gusiidiʼ. Pa binni ca guiníʼ qué gapa xiiñiʼ la? zanda gusaananenu laabe tratadu Ñuláʼdxiluʼ niziidiluʼ jma de lu Biblia la? o stobi ni guidúʼyanu zanda gusaananu. Diciembre: El hombre más grande de todos los tiempos. Laaca zanda gusaananu La Biblia... ¿la Palabra de Dios, o palabra del hombre?, Mi libro de historias bíblicas ne Usted puede vivir para siempre en el paraíso en la Tierra, pa nápatu ni ra ridagulisaatu.
◼ Guiráʼ ca neza binni ridagulisaa maʼ naquiiñeʼ guinábacaʼ CD-ROM Watchtower Library, edición de 2006 diidxastiá, francés ne inglés ra guinábacabe libru ne revista sti biaje. Lu ndaa ra na Anuncio a las congregaciones (cani chiguieeteʼ stiʼ guiráʼ neza binni ridagulisaa) ni riree guiráʼ beeu zaree xi diidxaʼ nuu cani. Ndaaniʼ caja ra reeda ca libru ca zeeda ti lista ra cá cani cayaadxaʼ gueeda. Ne naquiiñeʼ guietenaláʼdxitu, cani maʼ guyuunisa si nga zanda guicaa Watchtower Library, edición de 2006 ne ra ridagulisaasícabe zanda guinábacabe ni.
◼ Cusietenaláʼdxidu ca binnigola chinándacaʼ ni na La Atalaya 15 stiʼ abril iza 1991, yaza 21 dede 23, ora chigánnacabe cani maʼ biree ndaaniʼ xquidxi Dios (expulsados) ne cani guníʼ guireecaʼ ndaaniʼ xquídxibe (desasociados).
◼ Lu guiʼchiʼ rizaané Xhiiñaʼ Reinu Ni Rúninu stiʼ beeu septiembre lu (yaza 3-6) zeeda ti lista de caadxi ni bidxaa lu libru Apocalipsis ne cada ni rucheeche diidxaʼ naquiiñeʼ guchaa cani ndaaniʼ libru stiʼ. Cani chiguidxaa riʼ naquiiñeʼ guni ca binni ridagulisaa ni para guiuundaʼ ni ra nuu Grupu ni Ruundaʼ Libru stiʼ ca Binni Ridagulisaa ne zuzulú ziuundaʼ libru riʼ semana 8 stiʼ enero 2007 ndaaniʼ ca neza binni ridagulisaa diidxastiá.
◼ Solicitud para el servicio de precursor regular. naquiiñeʼ guseendatu cani Betel biaʼ ti beeu ante guzulutu, peru pa guseendatu cani despué la? naquiiñeʼ cheʼ sti guiʼchiʼ ra gusiénetu xiñee deruʼ biseendatu cani; ne cadi guseendatu cani pur fax. Pa tiidiʼ chonna beeu ne qué guicaatu carta de nombramiento ca la? laguseendaʼ sti carta de nombramiento de precursor ne sti guiʼchiʼ ra gusiénetu caʼruʼ guicaatu ni. Guiráʼ ca guiʼchiʼ Solicitud para el servicio de precursor regular (S-205-5) zanda iquiiñetu cani. Ante guseendatu guiʼchiʼ riʼ Betel la? secretariu ca zuuyaʼ pa cá chaahuiʼ guiráʼ ni naquiiñeʼ guicá luni casi ora guicá la xheelaʼ tuuxa luni. Dxi gúlebe ne dxi guyuunísabe naquiiñeʼ guicá cani jneza zaqueca ca dxiiñaʼ bíʼnibe ora bicheechebe diidxaʼ. Ca binnigola naquiiñeʼ gucaacaʼ laca ne firma sticaʼ luni. Ni bichá guiʼchiʼ riʼ zanda chuʼbe lu guiráʼ guendaridagulisaa stiʼ ca precursor neca caʼruʼ guiuundaʼ Carta de nombramiento de precursor (S-202-S) stibe ra ridagulisaabe, ne ora gudiibe guiʼchiʼ ra cá pabiáʼ dxiiñaʼ bíʼnibe lu ti beeu la? riquiiñeʼ cheni lade ca guiʼchiʼ stiʼ ca precursor.