Cani rucheeche Stiidxaʼ Reinu:

Rudiʼdu xquíxepeʼ laatu purtiʼ bisihuínnitu nadxiitu ca bíʼchinu ne ca bizáʼnanu dxi gudiʼdiʼ ca huracán ni bininá guidxi Chiapas ne Quintana Roo iza gudiʼdiʼ ca (Juan 13:35). Para gunda gucuaacabe ni caquiiñecabe la? guyé stale de ca bíʼchinu ne bizáʼnanu yegacané para gunda gucuaacabe ni gócabe ne cani jma biquiiñecabe.

Guca si guiráʼ nga la? bihuinni xi guiráʼ biniti ca bíʼchinu ne ca bizáʼnanu. Ndaaniʼ guidxi Chiapas 168 bíʼchinu biniticaʼ lídxicaʼ. Yanna maʼ cabí lidxi 40 familia. Lu beeu junio 2006 biluxe gurí sti 15 yoo ne bizulú cabí xcadxe.

Ti bizáʼnanu testigu ni gurí lidxi guníʼ sicaríʼ: «Rudiéʼ xquíxepeʼ Jiobá pur bilá naa ne ca xiiñeʼ. Ne laaca rudiéʼ xquíxepeʼ ca bizanaʼ ne ca bendaʼ ni beeda gacané laadu. Maʼ biiyaʼ, Jiobá naca ti torre ra zanda gucaachilunu».

Ndaaniʼ guidxi Quintana Roo guca chaahuiʼ 18 Yoo stiʼ Reinu ne biaʼ 300 Yoo. Peru ndaaniʼ guidxi Chiapas cayaadxaʼ cuíʼ 4 Yoo stiʼ Reinu ne xcaadxi yoo. Para gaca cani la? caquiiñeruʼ tu gacané para gaca chaahuiʼ ra bininá ca huracán ca. ¡Guizáʼ rudiʼdu xquíxepeʼ laatu purtiʼ rusihuínnitu nadxiitu ca bíʼchinu ne ca bizáʼnanu pur racanetu laacaʼ! (1 Tes. 5:18.)

Rinábadu laatu cadi gusaanatu de guni orartu pur ca bíʼchinu ne ca bizáʼnanu ni nabeza ca guidxi ra bininá ca huracán ca ne pur cani cayacané laacabe (2 Cor. 1:11).

Ca bíʼchitu,

Betel stiʼ Méjicu