«Cadi initi gastiʼ»
1. Xi ejemplu bisaana Jesús para gusisácanu cani cudii Jiobá laanu.
1 Dxiqué la? huaxiéʼ si xpinni Dios nga gúpacaʼ rollo stiʼ Biblia lu nacaʼ. Gupa xidé guyécabe ndaaniʼ ca sinagoga que para gúʼndacabe Stiidxaʼ Dios (Luc. 4:16). Ca dxi stinu riʼ, Jiobá cudii laanu stale libru ne revista ni zeeda de lu Biblia ti ganda guiénenu Stiidxabe ne iquiiñenu cani para gusíʼdinu xcaadxi binni (Heb. 13:21). Ñee rusisácanu cani la? Biʼniʼ si Jesús ti milagru ra bidii ni gudó mil de binni la? gúdxibe ca discípulo stibe: «[Lag]utopa ca ni biaana [...] ti cadi initi gastiʼ». Ñee zacaca rusisácanu ca guiʼchiʼ ni cudii Jiobá laanu ca dxi riʼ la? (Juan 6:12.)
2. Xi guiráʼ stipa nga raca para ganda gaca ca libru ne revista ni nápanu.
2 Neca ca dxi stinu riʼ qué runi diʼ Jiobá milagru para guidale ca libru ne revista nápanu, peru stale stipa nga runi ca binni cayuni dxiiñaʼ ndaaniʼ Betel ti ganda gácacani. Ne laaca riniti stale bueltu para gaca dxiiñaʼ ca. Lu iza stiʼ dxiiñaʼ 2006, Betel stiʼ Méjicu biʼniʼ 102 millón de revista, 8,365,706 folletu ne 12,448,192 libru. Biaʼsi guca 252% jma de libru que ni guca lu iza 2004.
3. Xiñee zándaruʼ iquiiñenu ca libru ne revista ni naguu chaahuinu ra lídxinu.
3 Jesús guníʼ: «[Lag]utopa ca ni biaana». Ñee cayaana sobra libru ne revista ra lídxinu la? Pa gudxiéʼnanu libreru stinu, zándaca dede guidxagayaanu ora guidxélanu stale libru ne revista galán ne zanda iquiiñenu ora maʼ zigucheechenu diidxaʼ. Lu ca folletu ca zeeda cani cayaca yanna riʼ ne cani cá lu ca libru ne ca revista ca racané cani binni. Ti hombre ni gucané ti pastor ndaaniʼ ti yuʼduʼ bidxélabe chupa chonna yaza stiʼ revista La Atalaya ni maʼ xadxí biree ne ca yaza que cusiénecani de Trinidad. Bidxagayaabe pur ni zeeda gusiene revista que ne bizulú biindané ca Testigu laabe, yanna laabe ne binnilídxibe cayúnicabe ni na Jiobá.
4. Ximodo iquiiñenu ca libru ne revista ni maʼ bidale ra lídxinu yaʼ.
4 Pa nápanu libru ne revista ra lídxinu ni maʼ xadxí biree la? zanda cuinu ti tema lade cani ni chuulaʼdxiʼ binni ne gusaananenu cani ca binni ni chigánnanu sti biaje, cani ridúʼndanenu Biblia, ca binnilídxinu ne cani runibiaʼnu ni cadi naca Testigu. Nuu xpinni Cristu rusaanané cani binni ndaaniʼ hospital, ra ridoo gasolina ne ca lugar ra ruzuhuadxicaʼ ora zecaʼ paxaraa. Nga runi, grupu ni ruuyaʼ dxiiñaʼ stiʼ ca binni ridagulisaa ruuyacaʼ guinabaʼ neza binni ridagulisaa sticaʼ biaʼ revista caquiiñeʼ cani rucheeche diidxaʼ.
5. Xiñee naquiiñeʼ gusisácanu guiráʼ ca libru ne revista ni rudii xquidxi Dios laanu.
5 Pa iquiiñenu ca libru ne ca revista ni maʼ bidale ra lídxinu jneza la? zuyúbinu modo «cadi initi gastiʼ» ne zacá qué zaguítenu guiráʼ cani cudii «irá ca hermanu» ca laanu ne zaquiiñenu cani jneza (1 Ped. 2:17).
[Preguntas]